Ezekiel 3:11 - Maung A Balita Biblia

¹¹ Insan kad satan onla ed saray kaparam a Judio a nibantak ed arum a bansa tan salitam ed sikara so ibabagak ed sikara, siak a Katawan a Dios, dengelen da ka man odino andi.”

Maung a Balita Biblia

¹¹ Insan kad satan onla ed saray kaparam a Judio a nibantak ed arum a bansa tan salitam ed sikara so ibabagak ed sikara, siak a Katawan a Dios, dengelen da ka man odino andi.

Ezekiel 3:11 Referans Kwoze

Ezekiel 2:7

Ibagam ed sikaray amin a salitaen mo, dengelen da ka man odino andi. Nudnunot mon ontan lay isusumpa rad siak.

Ezekiel 3:27

Insan no misalita ak ed sika lamet tan ipawil kod sikay pakapansalita, ibagam ed sikaray sasalitaen ko, siak a Katawan a Dios. Pigarad sikaray ondengel, balet pigara met ed sikaray ag ondengel ed sika lapud totoo ran mananumpad siak.”

Ezekiel 33:30

Say Katawan kuanto, “Sika a toon ompatey, mantotongtong iray totoom na nipaakar ed sika no mantitipon irad abay na saray padir na siudad odino diad saray dalan ya ompogtad kaabungan da. Ikuandad sakey tan sakey, ‘Itila, ta dengelen tayo ray salitan nanlapud Katawan natan.’

Ezekiel 33:17

“Balet, ibabaga na saray totoom ya aliwan matonung so gagawaen ko! Aliwan tua tan, no ag ingen say kagagawa ra so aliwan matonung.

Ezekiel 33:12

“Natan, sika a toon ompatey, ibagam ed saray Israelita a no mankasalanan so matonung a too, ag nilaban na maung iran ginagawa to. No ontondan manggaway kaogsan so toon maoges, ag la nadusa. Balet no mankasalanan so maung a too, ag nipaliis ed patey so bilay to.

Ezekiel 33:2

Inkuanto, “Sika a toon ompatey, ibagam ed saray totoo so nagawa no mangyakar ak na bakal ed sakey a dalin. Saray totood saman a bansa mamipili rad sikara na sakey a managbantay.

Ezekiel 2:5

Dengelen ka man o andi na saraman a totoon mananumpa ed siak, naamtaan da a sakey a propita so nibakid sikara.

Daniel 12:1

Samay anghil a linen so kawes to inkuanto, “Diad satan a panaon ompanengneng imay matalonggaring ya anghil Miguel a mangguaguardiad saray totoom. Insan la ondalan so panaon na ontan lan kairapan ya ag nin balut dinmalan nanlapu lad inletneg da ray bansa. No onsabiy tan a panaon, nilaban ya amin iray totoo na bansa a nisulat so kangaranan dad libro na Dios.

Daniel 6:13

Insan inkuandad ari, “Si Daniel a sakey ed saray nibantak a nanlapud Juda et ag to papagalangan so Kagalang ya Ari odino oonuren so ganggan ya impaakseb mo. Inagew-agew a mamitlon mampikasi.”

Ezekiel 37:18

No saray totoom et tepeten da no antoy kabaliksan to ya,

Ezekiel 3:15

Kanyan linma ak ed Tel Abib ed gilig na Ilog na Kebar a dimay panaayaman na saray nibantak ya Israelita, tan diad loob na pitoy agew ya impanayam kod man, ag ak akaskasel lapud saramay anengneng tan nadngel ko.

Deuteronomio 9:12

“Insan say Katawan kuantod siak, ‘Akseb kan tampol, ta saray totoom ya impaway mo manlapud Egipto et nagmaliw iran maoges. Sinumlang da la may ingganggan kod sikara, tan nanggawa ra na para sikara na talintaoy dios.’

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Ezekiel 3:10

Intuloy na Dios ya inkuan, “Sika a toon ompatey, dengel kan maung tan tandaan moy ibagak ed sika.

Ezekiel 3:12

Insan intagey ak na ispiritu na Dios, tan nadngel kod nibeneg ko so maksil tan manungol a bosis a kuanto, “Nadayew komun ed tawen so kagalangan na Katawan!”

Ezekiel 20:27

“Natan sirin, sika a toon ompatey, salitam ed saray Israelita so ibabagak ed sikara, siak a Katawan a Dios. Wala niy sakey a ginawa da ray lalaki ra ya impamabaing ed siak diad panamegley na impantraidor dad siak.

Jeremias 29:20

Amin yon totoo ya impaibantak kod Babilonia, dengel kayod ibabagak, siak a Katawan.’

Ezekiel 2:4

Anawet so olo ra tan ag da ak gagalangen, kanyan ibabaki ta kan mangibagad sikara na labay kon ibagad sikara, siak a Katawan a Dios.