Ezekiel 29:4 - Maung A Balita Biblia

⁴ Tagaan ko so sangim tan papeketen kod sika ray sira ed ilog mo. Insan ta ka isakbit ed pandel na ilog, pati saray amin a siran akapeket ed sika.

Maung a Balita Biblia

⁴ Tagaan ko so sangim tan papeketen kod sika ray sira ed ilog mo. Insan ta ka isakbit ed pandel na ilog, pati saray amin a siran akapeket ed sika.

Ezekiel 29:4 Referans Kwoze

Ezekiel 38:4

Papoliktaren ko, insan ko tagaan so songut to, tan igayugoy kon iyarawi a pati amin a sondalo to. Sarayan sondalo ton amayamay a kaiba ray kabayo ra et akasamper tan akaispada so balang sakey ed sikara tan wala ray akakabayo a nampaparay kawes dan para bakal.

2 Saray Arari 19:28

Naawat koy pakabat a nipaakar ed satan a pamapasnuk mo tan satan a panagpaatagey mo, kanyan natan inan koy patili so eleng mo tan pakalat so sangim, tan papawilen ta kad dalan a nanlapwan mo.”

Amos 4:2

Diad inkatonung na Katawan a Dios insipan to, “Onsabi ray agew a gayugoyen da kayon amin a singa siran atagaan.

Isaias 37:29

Naawat koy pakabat nipaakar ed satan a pamapasnuk mon maung tan satan a panagpaatagey mo, kanyan natan inan koy patili so eleng mo tan pakalat so sangim tan ipawil ta kad dalan a nanlapwan mo.”

Jeremias 25:33

Diad satan ya agew, saray pinapatey na Katawan kitongilang ed intiron mundo so bangkay da. Anggapoy manermen ed sikara. Anggapoy mangisinup odino mangipompon na bangkay da. Nabunbunton irad dalin a singa taiy ayayep.