Ezekiel 29:21 - Maung A Balita Biblia

²¹ “No nagawa la ya, pagmaliwen kon mabiskeg iray totood Israel tan sika, Ezekiel, pansalitaen ta ka a narengel na balang sakey ed sikara, pian naamtaan da a siak so Katawan.”

Maung a Balita Biblia

²¹ No nagawa la ya, pagmaliwen kon mabiskeg iray totood Israel tan sika, Ezekiel, pansalitaen ta ka a narengel na balang sakey ed sikara, pian naamtaan da a siak so Katawan.

Ezekiel 29:21 Referans Kwoze

1 Samuel 2:10

Napatey iray onlalaban ed Katawan; manlapud tawen pakarulan to ra. Sintinsiaan na Katawan so intiron mundo; pabiskegen toy ari to, panaloen toy pinili ton ari.”

Lucas 21:15

ta itdan ta kayoy kakabatan tan panagsalitan ag nasarag a sumlangen o paandien na saray amin a kalaban yo.

Saray Salmo 132:17

Diak gawaen a matalonggaring ya ari so sakey ed saray anak nen David; diak pagnayonen so oley na pinilik ya ari.

Ezekiel 33:22

Diad samay labi kasakbayan na insabi to, aliknak so biskeg na pakapanyari na kiwawalay Katawan. Nen sinmabi may too ed samay kaimbwasan, impawil na Katawan ed siak so pakapansalita lamet.

Ezekiel 24:27

Diad satan met ya agew, makapansalita ka lamet, tan mitongtong kad sikato. Diad onya magmaliw kan sakey a tanda ed saray totoo, tan nakabatan da a siak so Katawan.”

Saray Salmo 92:10

Pinabiskeg mo ak a singa kalakyan a bakad katakelan; binindisionan mo ak na liket.

Lucas 1:69

Angibakid sikatayo na makapanyarin Manangilaban, a kabyangan boleg nen David ya aripen to.

Ezekiel 29:16

Ag lan balut manmatalek ed tulong na Egipto so Israel. Say nagawad Egipto et mangipanunot ed Israel a baleg a lingo so manmatalek ed saray Egipsio. Naamtaan dad satan a siak so Katawan a Dios.”

Ezekiel 29:9

Magmaliw ya andi-kakanaan tan begtebegtew so Egipto. Naamtaan mod satan a siak so Katawan. “Lapud imbagam a kayaryan moy Nilo tan sikay nanggawad sayan ilog,

Ezekiel 29:6

Diad santan nakabatan na amin da ray Egipsio a siak so Katawan.” Say Katawan kuanto, “Saray Israelita et nanmatalek irad sikayod tulong yon Egipsio, balet singa kayo labat sakey a lopuk a bastun.

Ezekiel 3:26

Patalkeren koy dilam, pian ag mo napasakbayan ira man a totoon mananumpad sika.

Jeremias 23:5

Say Katawan kuanto, “Onsabiy panaon a mamili ak na ari a matonung a kabyangay boleg nen David. Sayan ari manoley a sikakabat tan gawaen tod intiron dalin so katonungan tan kaptekan.

Isaias 27:6

Diad saray agew ya onsabi saray totood Israel a kabyangan iray boleg nen Jacob et manlamut iran singa kiew, insan ira manrosas tan mansimit. Say sankamundoan napano na bunga ra.

Saray Salmo 148:14

Pinabiskeg toy bansa to, pian idayew na amin a totoo to— saray totood Israel a mabli ran tuloy ed sikato. Idayew yoy Katawan!

Saray Salmo 112:9

Maiter ed saray mairap-bilay, tan ag manganggay panangasi to; magmaliw a makapanyari tan galangey totoo.

Saray Salmo 51:15

Tulongan mo ak pa a mansalita, O Katawan, et idayew ta ka.

Ezekiel 3:27

Insan no misalita ak ed sika lamet tan ipawil kod sikay pakapansalita, ibagam ed sikaray sasalitaen ko, siak a Katawan a Dios. Pigarad sikaray ondengel, balet pigara met ed sikaray ag ondengel ed sika lapud totoo ran mananumpad siak.”

Ezekiel 30:1

Say Katawan akisalitad siak lamet.