Ezekiel 28:5 - Maung A Balita Biblia

⁵ Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Maung a Balita Biblia

⁵ Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Ezekiel 28:5 Referans Kwoze

Saray Salmo 62:10

Ag yo panmamatalkay panagduksa; ag yo iilaloan a walay nagonggona yod panagtakew; anggan ondakel so kayamanan yo, ag yo panmamatalkan.

Saray Salmo 52:7

“Nengneng yoy toon ag impaiyagel ed Dios, no ag ingen nanmatalek ed baleg a kayamanan to, tan sinmaral ed kaogsan to.”

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Ezekiel 28:2

Inkuanto, “Sika a toon ompatey, ibagam so ibabagak ed manoley na Tiro, siak a Katawan a Dios: Diad panagpaatagey mo, ibabagam a sakey kan dios. Ibabagam a singa ka sakey a dios a manyodyorung ed trono, ya aliber na saray dayat. Nayarin ipasen moy sikan dili a sakey a dios, balet aliwan tua, ta sakey kan too labat ya ompatey; aliwa kan Dios.

Probirbio 11:28

Saray totoon manmamatalek ed kayamanan da et nalemay ira a singa nalnes a tanaman, balet saray totoon matonung onaligwas ira a singa mabonabonan tanaman.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Saray Taga Roma 12:16

Pampapara yoy panangaro yod amin a too. Ag kayo mapaatagey, no ag ingen mikaaro kayod saray mapaabeba. Ag yo ipapasen a makabkabat kayo.

Daniel 4:37

“Et natan, siak a Nabucodonosor idayew ko, igalang ko, tan itandurok so Ari na Tawen. Matonung tan maptek ya amin iray gagawaen to, tan nayarian ton iyabebad kipapasen iray mapaatagey.”

Isaias 5:21

Pakaskasi kayo la! Ipapasen yoy sikayon dili a makabat, mapalalon marunong a talaga.

Probirbio 26:12

Say toon makulang-kulang et magmaung niy kipapasen to nen say toon ipapasen toy sikaton dili a makabat anta andi.

Zacarias 9:3

Amaalagey so Tiro na tirinsira to tan nantitipon na amayamay a pilak tan balituk a singa ra karakel na dabuk!

Daniel 4:30

inkuanto, “Nengneng yo so ontan lan inkatalonggaring na Babilonia! Lapud biskeg tan pakayarik impaalagey kon manonan siudad na nanarian ko a pakapatnagay kagalangan ko tan say katageyan ko.”

Ezekiel 16:49

Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.

Isaias 23:8

Siopay angiplanod sayan deral ed Tiro, say siudad a wala ray sakop ton nanarian tan saray nigosianti to ran prinsipi et sikaray manonan gagalangen ed tapew na dalin?

Isaias 23:3

na saray totoo a mansaliw tan manlako na saray trigon ontutubod Egipto tan mannigosiod saray amin a bansa.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

2 Saray Awaran 25:19

Sika, Amasias, ipapantam a tinalom la ray Edomita, balet ibabagak ed sika natan ya ag ka la onaalis ed nanarian mo. Akin et mangigagapo ka niy golo a pakaderalan mo tan saray totoom?”

Jeremias 49:4

Akin et mapaatagey kayo, sikayon aliwan matoor a totoo? Nanaandian kayo lay biskeg. Akin et manmamatalek kayod pakayari yon dili, tan ibabaga yon anggapoy ondogpad sikayo?

Deuteronomio 8:17

Kanyan sirin, ag yon balut iisipen a minmayaman kayo lapud biskeg tan pakayari yon dili.

2 Saray Arari 14:10

Natan sika, Amasias, tinalom la ray Edomita, kanyan mapaatagey ka la. Panliketan mo la tay inkabantug mo tan ditan ka lad nanarian mo. Akin et mangigagapo ka niy golo a pakaderalan mo tan saray totoom?”

Saray Salmo 62:11

Aliwan amimpinsan a nadngel koy Dios ya imbaga to a kayaryan toy pakayari,

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Daniel 11:12

Mampaatagey lapud impanalo to tan impamatey tod amayamay a sondalo, balet ag mansiansiay panalo to.