Ezekiel 28:26 - Maung A Balita Biblia

²⁶ Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”

Maung a Balita Biblia

²⁶ Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.

Ezekiel 28:26 Referans Kwoze

Ezekiel 28:24

Say Katawan kuanto, “Anggapo lan balut ed saray nambabalaw a bansan walad kaliber-liber na Israel so magmaliw lamet a singa masabit a tanaman a mamasakit ed Israel. Diad satan naamtaan da a siak so Katawan a Dios.”

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Jeremias 32:15

Imbaga na Katawan a Makapanyarin-amin, say Dios na Israel, a nasaliw lamet ed sayan dalin iray kaabungan, kaalogan, tan saray kaubasan.”

Probirbio 14:26

Say panangigalang ed Katawan mangiiter na talek tan mangyaarawid kaatapan ed sakey a too tan pamilya to.

Zacarias 1:15

Balet baleg so pasnuk kod saray bansa a manliliket ed kareenan, ta diad pamopokpok koy pasnuk kod saray totook, iloloor dan pairapen iray totook.

Habacuc 2:8

Sinasamsaman yo ray totood amayamay a bansa, balet natan saray akapaliis ed patey et samsaman da kayo, lapud saray impanpapatey yo na totoo tan lapud inkaruksa yod saray totood mundo tan diad saray siudad to.

Oseas 2:18

Diad satan a panaon misipanan ak ed amin da ray ayayep ed katakelan tan saray manok, pian ag da la pasakitan iray totook. Ekalen ko met ed dalin iray amin ya armas ed bakal, amin da ray ispada tan saray pana, tan panayamen kon mareen tan arawid kaatapan iray totook.

Ezekiel 39:10

Ag la ra manalad kaalogan o mambatang na kiew ed katakelan na itotongon kiew, lapud nawalaan ira na atilak-tilak ya itongon armas. Samsaman da ra so nansamsam ed sikara.” Say Katawan a Dios so nansalita.

Isaias 17:14

Manataktakot ira no labi, balet kasabiy kabwasan naandi la ra! Onya so pansumpalan da ray amin a manasamsam ed saray kayaryan tayo.

1 Saray Arari 4:25

Legan ton nambilay, arawid kaatapan iray totood Juda tan Israel; balang pamilya wala ray tanaman ton ubas tan kakiewan ya igos.

Deuteronomio 12:10

No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Exodo 29:46

Naamtaan da a siak so Katawan a Dios da ya angipaway ed sikara ed Egipto, pian makapanayam ak ed kawalaan da. Siak so Katawan a Dios da.

Ezekiel 38:11

Getmaen moy onloob ed sakey a bansan ag to niagel so sikaton dili, a mambibilay iray totoo ed kareenan tan arawi rad kaatapan diad saray baley ya anggapoy padir tan makapangyagel.

Ezekiel 34:31

“Sikayo ran karnirok, say poluk a papakanen ko, et sikayo ray totook, tan siak so Dios yo,” kuay Katawan a Dios.

Saray Tagleey 1:8

Mapalalon kaogsan so ginawa na Jerusalem, kanyan sikatoy adotakan. Balbalawen la natan na saray mangidadayew ed sikato, lapud anengneng dan alakseban. Manayay tan isasanib toy lupa to lapud kababaingan.

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Jeremias 30:16

Balet natan, nabwag ya amin iray mambubuag ed sikayo; naalan priso iray amin a kalaban yo. Napairap ya amin iray mamapairap ed sikayo, nasamsaman ya amin iray manasamsam ed sikayo.

Jeremias 29:28

Nepeg a napatonda, ta imbaga tod saray Israelitan walad Babilonia a mabaybayag iran naprisod man, kanyan nepeg day mangipaalagey na kaabungan da, manayam irad man, mantanaman ira, tan pambilay day bungay tanaman da.’”

Isaias 33:1

Pangaskasiyan iray kalaban mi! Nantakew tan nanlipot ira, anta anggapoy nantakew odino nanlipot ed sikara. Balet mangangga so panaon na pantakew tan say panlipot da, ta natakewan tan nalipotan ira.

Saray Salmo 149:9

pian nadusa da ray bansa onung na ingganggan na Dios. Sikato yay pananalo na saray totooy Dios. Idayew yoy Katawan!

Jeremias 32:43

Ibabaga na saray totoo a sayan dalin et magmaliw a kalawakan ya anggapoy too odino ayep a manayam, tan niiter ed saray taga Babilonia. Balet nasaliw lamet iray kaalogan ed sayan dalin.

Ezekiel 34:14

Pankabkaben ko rad patar na kapalandeyan ya arawid kaatapan, diad saray patar tan diad amin a mabonan pastolan ed dalin na Israel.

Ezekiel 36:9

Wala ak ed diking yo, tan andi-duaruwa a nabaka lamet so dalin yo tan nataneman.

Oseas 2:15

Ipawil kod sikato may kaubasan a kayaryan to nen saman, tan pagmaliwen kon puirta na ilalo so Patar na Gunigon. Ebatan to ak diman a singa samay ginawa to nen malangwer ni, sanen sikatoy pinmaway a nanlapud Egipto.

Oseas 11:11

Manlapud Egipto maples iran onsabin singa manok, tan manlapud Asiria onsabi ran singa malapati. Iyakar ko ra lamet ed kaabungan da. Siak, say Katawan, so nansalita.”

Jeremias 12:14

Say Katawan kuanto, “Walay ibagak nipaakar ed saray bansan maoges a kaabay na Israel. Sikaray nanderal ed dalin ya inter kod saray totook ya Israel. Pataynanen kon singa abagut a tanaman ira yan totoon maoges ed saray bansa ra, tan ekalen koy Juda ed pakaoley da.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.