Ezekiel 27:36 - Maung A Balita Biblia

³⁶ Naandipat ka ya anggad angga; ataktakot ya amin iray nigosianti ed intiron mundo, natatakot ira ompan nadamay irad makapasinagem a nansumpalan mo.”

Maung a Balita Biblia

³⁶ Naandipat ka ya anggad angga; ataktakot ya amin iray nigosianti ed intiron mundo, natatakot ira ompan nadamay irad makapasinagem a nansumpalan mo.

Ezekiel 27:36 Referans Kwoze

Jeremias 18:16

Ginawa ran makapataktakot yan dalin, a nabalaw ya anggad angga. Nataktakot ya amin iray ondalan, lapud saray nanengneng da; ipeyeng-peyeng day olo rad pankelaw da.

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Ezekiel 26:21

Pagmaliwen ta kan makapataktakot a pangaligan, tan sikato la so anggaan mo. Anapen ka na saray totoo, balet ag kan balut narumog.” Say Katawan a Dios so nansalita.

Jeremias 19:8

Iyakar kod sayan siudad so onyan makapasinagem a deral pian balang sakey ya ondalan et natalagnaw tan nikelawan.

Saray Salmo 37:36

balet ag abayag linmabas ak, et anggapo met la; inanap ko, et ag ko la narumog.

Saray Salmo 37:10

Ag mabayag naandipat la ray totoon maoges; anggan anapen mo ra, ag mo la ra narumog.

Ezekiel 26:14

Itilak ko labat so sakey a baton-dampay a pampaagewan na saray sumisigay na saray iket da. Ag lan balut napasimbalon nipaalagey so siudad na Tiro. Siak a Katawan a Dios so nansalita.”

Ezekiel 26:2

Inkuanto, “Sika a toon ompatey, dengel mo yay ibagak. Sikato yay pakaliliketan na saray totood siudad na Tiro. Iyeeyag da, ‘Aderal-deral so Jerusalem! Naandi la so pakayari to ed nigosio! Ag lan balut nayarin kakompitinsia!’

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Jeremias 50:13

Diad pasnuk ko anggapoy manayam ed Babilonia, ta magmaliw ya aderal-deral a siudad, tan natalagnaw tan nikelawan ya amin iray ondalan.

Jeremias 49:17

Say Katawan inkuanto, “Makapasinagem so nagawa ed Edom, kanyan nikelawan tan nataktakot ed agawa so siopaman a makadalan.

1 Saray Arari 9:8

Bontun na saray deral-deral so pagmaliwan na sayan Timplo, tan nabiglaan tan nikelawan so siopaman ya ondalan. Tepetan da, ‘Akin et ginawa na Katawan so onya ed sayan dalin tan diad sayan Timplo?’

Ezekiel 28:1

Say Katawan akisalitad siak.

Ezekiel 28:19

Naandipat ka la ya anggad angga; amin a bansan akaamtad nansumpalan mo et ataktakot ira; natatakot ira, ompan nadamay irad makapasinagem a nansumpalan mo.”