Ezekiel 27:33 - Maung A Balita Biblia

³³ Nen imbiahim ed dayat iray bengatlan lakom, Inter moy nakaukolan dan amin iray bansa. Minmayaman iray arari lapud kayamanan na saray bengatlan lakom.

Maung a Balita Biblia

³³ Nen imbiahim ed dayat iray bengatlan lakom, Inter moy nakaukolan dan amin iray bansa. Minmayaman iray arari lapud kayamanan na saray bengatlan lakom.

Ezekiel 27:33 Referans Kwoze

Puyan 18:19

Ininan day dapul so olo ra, mannangnangis tan maerermen ira tan inkuanda, “Makapataktakot! Makapasinagem so agawad makapanyarin siudad! Minmayaman ya amin iray walay barko ra, lapud kayamanan to. Balet diad loob na sakey oras, naandipat to yan amin!”

Puyan 18:3

Ta inminom iray amin a katoowan na alak na inmoralidad to. Akikaloguran ed sikato ray arari na dalin, tan minmayaman iray nigosianti lapud ag naperan panagkasalanan to.”

Ezekiel 28:16

Anggapoy tondam a nansasaliw tan nanlalako, balet sikato yay makasengeg na impagmaliw mon maruksa tan makasalanan. Kanyan pinasoot ta kan ontaynan ed masanton palandey ko, tan samay anghil a nambantay ed sika et pinaarawi to kad saramay mankidyam a mabmablin bato.

Ezekiel 27:3

samay siudad a walad bungangay dayat tan manninigosio ed saray totoon manaayam ed kapag gilig na dayat. Ibagam ed sikato no anto so ibabagak, siak a Katawan a Dios: “Tiro, inkinon mo so nagnap a gangganam.

Zacarias 9:3

Amaalagey so Tiro na tirinsira to tan nantitipon na amayamay a pilak tan balituk a singa ra karakel na dabuk!