Ezekiel 27:30 - Maung A Balita Biblia

³⁰ Ampait so impanermen da ed sika, Tinupak day dabuk so kaolowan da tan nantitiblak irad dapul.

Maung a Balita Biblia

³⁰ Ampait so impanermen da ed sika, Tinupak day dabuk so kaolowan da tan nantitiblak irad dapul.

Ezekiel 27:30 Referans Kwoze

Jeremias 6:26

Say Katawan kuanto ed saray totoo to, “Mansolung kayoy sako tan mantolin-tolin kayod dapul. Manermen kayon singa panermen yod saksakey ya anak yon laki, akis kayo na ampaipait, ta biglan dogpaan kayo na manderal ed sikayo.

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

2 Samuel 1:2

Diad mikatlon agew sinmabiy sakey a balolakin nanlapud kampo nen Saul. Diad pangipanengneng toy ermen to pinipilat toy kawes to tan ininan toy dabuk so olo to. Linmad kinen David tan dinmakmomo ya anggad dalin a pamagalang to.

Jonas 3:6

Nen nadngelan na ari ed Ninive so nipaakar ed saya, inmepas a nanlapud trono to, nilakseb toy kawes to, nansolung na sako, tan nanirung ed dapul.

Ezekiel 26:17

Kansionen da yan kantan para tolur: Aderal la so bantug a siudad! Naanur lad maawang a dayat iray bapor to. Saray totoo na sayan siudad inoleyan da so kadayatan Tan tinataktakot da ray amin a manaayam ed gilig na dayat.

1 Samuel 4:12

Manlapud lawak na bakalan walay sakey a toon kabyangay boleg nen Benjamin a binmatik ya onlad Silo. Sinmabi ed samay agew lamlamang ya insiput to. Diad pangipanengneng toy ermen to, pinipilat toy kawes to tan ininan toy dabuk so olo to.

Mikias 1:10

Ag mo ibabagad saray kalaban mid Gat so inkatalo mi; ag mo ipapanengneng ed sikara so panaakis mo. Totood Bet-lefra, ipanengneng yoy paneermen yo diad panamegley na pantolin-tolin yod dabuk!

Jeremias 25:34

Akis kayo, sikayo ran pangulo, sikayo ran pumapastol na saray totook, akis kayoy maksil! Manermen kayo tan mantolin kayod dabuk. Sinmabi lay panaon a sikayoy pateyen, tan napatas kayon singa karniron kalakyan.

Say Libro nen Job 42:6

Kanyan nababaingan ak lapud amin ya imbagak tan magbababawi diad dabuk tan dapul.

Say Libro nen Job 2:12

Nen wala ni rad arawi anengneng da lay Job, balet ag da ni abirbir. Nen abirbir da la nanogaog ira. Pinipilat day kawes da diad pangipanengneng day ermen da, nansibwag irad tagey na dabuk tan diad olo ra.

Say Libro nen Job 2:8

Linmad abay na bantakay dotak, inmirung tan angalay langa ya impankakarkar tod saray giri to.