Ezekiel 27:27 - Maung A Balita Biblia

²⁷ Nen aderal ed dayat so barkom, Abalang ya amin ed dayat Iray amin a kayamanan mod bengatlan lakom, Amin da ray marinirom ya ontotoon ed barkom Saray karpintiro na barkom tan saray nigosiantim Tan balang sondalon akalogan ed barko.

Maung a Balita Biblia

²⁷ Nen aderal ed dayat so barkom, Abalang ya amin ed dayat Iray amin a kayamanan mod bengatlan lakom, Amin da ray marinirom ya ontotoon ed barkom Saray karpintiro na barkom tan saray nigosiantim Tan balang sondalon akalogan ed barko.

Ezekiel 27:27 Referans Kwoze

Probirbio 11:4

Anggapoy kakanaan so kayamanan mo no asabi lay agew na ipatey mo, balet say kaptekan nilaban toy bilay mo.

Ezekiel 27:34

Natan aderal-deral ka ed pegley na dayat; Linmereg kad kaaralman na dayat. Kaibam a naandipat ed dayat Iray bengatlan kayaryan mo tan amin da ray kumikimey mo.’

Ezekiel 27:24

Angilako rad sika na saray mabmablin kawes, saray purpuran abel, saray binobordaan a kawes, saray alpombra a malmaltaw so kolor da, tan saray malet a lobir tan kordon.

Ezekiel 27:22

Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.

Ezekiel 27:12

“Nannigosio ka ed Espanya tan nansempet ka na pilak, balatyang, lata, tan ismay a bayar na saray dakel a lakom.

Ezekiel 26:21

Pagmaliwen ta kan makapataktakot a pangaligan, tan sikato la so anggaan mo. Anapen ka na saray totoo, balet ag kan balut narumog.” Say Katawan a Dios so nansalita.

Ezekiel 26:14

Itilak ko labat so sakey a baton-dampay a pampaagewan na saray sumisigay na saray iket da. Ag lan balut napasimbalon nipaalagey so siudad na Tiro. Siak a Katawan a Dios so nansalita.”

Ezekiel 26:12

Akokosen na saray kalaban mo iray kayamanan mo tan saray ilalakom. Igeba da ray padir mo tan deral-deralen da ray mararakep ya abung mo. Alaen da ray bato, saray tabla tan amin ya deral-deral, insan da ra ibantak ed dayat.

Ezekiel 27:26

Nen saray managbegsay mo et inyakar da kad pegley na dayat, Dineral ka na dagem a nanlapud bokig.

Ezekiel 27:28

Makbaw a nadngel ed gilig na dayat So eyag da ray nalelener a marinirom.

Ezekiel 28:8

Pateyen da ka tan ibantak da kad pegley na dayat.

Ezekiel 26:1

Nen ononan agew na…bulan, nen kumalabinsakey a taon na inkibantak mi, say Katawan akisalitad siak.

Ezekiel 28:1

Say Katawan akisalitad siak.

Amos 1:9

Say Katawan kuanto, “Nankakasalanan iray taga Tiro, kanyan andi-saew a dusaen ko ra. Inyaakar dan adakep ed dalin na Edom iray amin a totood sakey a bansa, tan ag da tinoor so impisipanan dan mikaaro.

Zacarias 9:3

Amaalagey so Tiro na tirinsira to tan nantitipon na amayamay a pilak tan balituk a singa ra karakel na dabuk!