Ezekiel 27:22 - Maung A Balita Biblia

²² Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.

Maung a Balita Biblia

²² Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.

Ezekiel 27:22 Referans Kwoze

Genesis 10:7

Saray lalakin anak nen Cus sikara di Seba, Havila, Sabta, Raama, tan Sabteca. Saray lalakin anak nen Raama et di Saba tan Dedan.

Isaias 60:6

Manlapud Madian tan Efa onsabi ray baleg ya olup na kamilyo. Manlapu rad Seba a sankaawit day balituk tan insinso. Saray totoo ibaga ray maung a balitan nipaakar ed ginawa na Katawan!

Ezekiel 38:13

Saray totoon taga Seba tan Dedan tan saray nigosiantin taga baley na Espanya et tepeten dad sika, “Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?”

Saray Salmo 72:15

Andokey komun so bilay na ari! Naitdan komun na balituk a manlapud Arabia; nipikasi komun lawas; nabindisionan komun lawas na Dios!

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

1 Saray Awaran 1:9

Saray lalakin anak nen Cus sikara di Seba, Havila, Sabta, Raama, tan Sabteca. Saray lalakin anak nen Raama sikara di Saba tan Dedan. (

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Ezekiel 28:13

Nanayam kad Eden a tanamanan na Dios, tan nanalahas ka na nandoroman klasin mabmablin bato: rubi, diamanti, topasio, birilo, karnilia, jaspi, sapiro, ismiralda, tan garnita. Wala ra met so ates mon balituk. Agawa ran para sika nen agew ya apalsa ka.

Ezekiel 23:42

Sankarengel so tanul na olup na karaklan a magologolo, sakey ya olup na lalakin niyakar a nanlapu rad kalawakan. Insolung dad saray taklay da ra may bibii iray pulsiras tan intoon dad olo ra iray marakep a korona.