Ezekiel 27:17 - Maung A Balita Biblia

¹⁷ Saray taga Juda tan Israel et imbayar dad saray lakom iray trigo, dilo, larak na oliba, tan saray rikado.

Maung a Balita Biblia

¹⁷ Saray taga Juda tan Israel et imbayar dad saray lakom iray trigo, dilo, larak na oliba, tan saray rikado.

Ezekiel 27:17 Referans Kwoze

Saray Huis 11:33

Dinogpaan to ra manlapud Aroer ya anggad pasen a kaliber-liber na Minnit, duamplon siudad ya amin, tan anggad Abeleramin. Agaylay karakel na apatey ed saman a bakal, tan tinalo na Israel iray Ammonita.

1 Saray Arari 5:9

Saray totook iyakseb dad dayat iray troson manlapud Libano, insan pabalkot kon singa saray lamo, pian nipaanor da ra ya anggad labay mon pasen. Okbaren diman na saray totook, insan makaoley la rad satan iray totoom. Sika la komun balet so makaoley a mangiter na tagano da ray totook.”

Saray Gawgawa 12:20

Agaylay pasnuk nen Herodes ed saray taga Tiro tan Sidon, kanyan nampapaknaan day onlad sikato. Inmasingger ni rad kinen Blasto ya inkargadoy palasio, pian naibaan to ran miariglo ed kinen Herodes, ta say pambibilay da et manlalapud dalin a nasasakopan to.

Jeremias 8:22

Anggapo ta lay tambal ed Galaad? Anggapo ta lad may doktor? Akin et ag naabigan iray totood bansak?

Esdras 3:7

Angiiter iray totoo na kuartan ibayar ed saray kantiro tan saray karpintiro; angiiter met ira na saray kakanen, iinomen, tan larak na oliba ya ipapawit dad siudad na Tiro tan Sidon, a sikaray kasalat ira na saray kiew a sidro a manlapud Libano, ya ipaanur irad dayat ya anggad Joppe. Agawa ra yan amin diad impangyabuloy nen Impirador Ciro na Persia.

2 Saray Awaran 2:10

Mangiter ak na pantagano da ray kumikimey mo. Ipaiyakaran ta ka na sanlasus libon sakon ya arina, sanlasus libon sakon sibada, sanlasus tan apat a lasus tan labinduan libon litro ya alak tan apat a lasus tan labinduan libon litro ya larak na oliba.”

Deuteronomio 32:14

Daakan a gatas so inter na saray baka tan saray kanding da; awalaan iray sankaabigan a karniro, kanding, tan baka, awalaan met ira na sankaabigan a trigo, tan sankasamitan ya alak.

Deuteronomio 8:8

sakey a dalin a napananian na trigo tan sibada; napamborboran na ubas, igos, granada, tan oliba, tan napanalaan met na dilo.

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.