Ezekiel 27:12 - Maung A Balita Biblia

¹² “Nannigosio ka ed Espanya tan nansempet ka na pilak, balatyang, lata, tan ismay a bayar na saray dakel a lakom.

Maung a Balita Biblia

¹² Nannigosio ka ed Espanya tan nansempet ka na pilak, balatyang, lata, tan ismay a bayar na saray dakel a lakom.

Ezekiel 27:12 Referans Kwoze

Ezekiel 38:13

Saray totoon taga Seba tan Dedan tan saray nigosiantin taga baley na Espanya et tepeten dad sika, “Tinipon mo ray sondalom ta ondogpa kayo tan mansamsam kayo, anto? Gagalam so manala na saray pilak tan balituk, saray baka tan saray kayaryan, insan mo ibatik ira yan asamsam mo anto?”

Isaias 23:10

Sikayo ran totood saray dalin a sakop na Espanya, laka yo lan ondalus ed kaalogan yo, ta anggapo lay manebel ed sikayo.

1 Saray Arari 10:22

Wala ray bapor ton ombibiahid Tarsis a kaiba da ray bapor nen Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya ankelag tan ankabaleg.

Genesis 10:4

Saray lalakin anak nen Javan sikara di Elisa, Espanya, Chipre, tan Dodanim.

Jonas 1:3

Balet sananey a dalan so inarap to, ta labay ton ibatikan so Katawan. Linmad Jope a dimay akanengnengan to na sakey a bapor ya onla lad Espanya. Kayari ton binayaran so pasahi to, linmogan ed samay bapor a kaiba to ray tripulanti ya onlad Espanya a diman to naarawian so Katawan.

Ezekiel 27:18

Saray taga Damasco et imbayar dad saray lakom tan saray bunga na saray tanaman mo, iray alak a nanlapud Helbon tan say abel a lana a nanlapud Sahar. Insumbat dad saray bengatlan lakom iray kagawaan a balatyang tan saray rikado.

Ezekiel 27:16

Sinaliw na saray totood Siria iray amayamay a lakom. Imbabayar dad saray kagawaan mo iray ismiralda, saray purpuran abel, saray binordaan ya abel, saray pinon linen, saray baton koral, tan saray baton rubi.

Jeremias 10:9

Apalkapan na pilak a nanlapud Espanya iray talintaoy diriyos da; apalkapan met na balituk a nanlapud Ufaz, tan ginagawa ra na saray marunong a platiro; akawesan ira na asul tan ambalbalangan abel, ginawa ra na saray marunong a managabel.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Isaias 23:14

Managogul kayod ermen, sikayon nigosiantid dayat! Aderal lay siudad a nanmatalekan yo.

Isaias 23:6

Managogul kayod ermen, sikayon taga Fenicia! Sali yoy ombatik ed Espanya!

Isaias 2:16

Ipalereg to ray anggan sankabalegan tan sankarakepan a bapor.

Saray Salmo 72:10

Saray arari na Espanya tan saray arari na saray isla et mangiter irad sikato na saray rigalo; saray arari na Arabia tan Etiopia et mangiter irad sikato na saray bagat.

1 Saray Arari 22:48

Wala ray barko nen Josafat a para biahid dalin na Ofir, ta manalay balituk; balet aderal irad Ezion-geber, kanyan ag la ra nambiahin balut.

Puyan 18:12

Anggapo lay manaliw na saray balituk da, pilak, mabmabli ran bato, tan pirlas da; saray abel dan lino, purpura, sida, tan ambalanga; amin a klasiy ambalbalingit a kiew; saray kagawaan a garing, mabmablin kiew, gansa, balatyang, tan marmul;

Ezekiel 27:11

Saray sondalon taga Arvad so nangguardiad saray padir mo, tan saray lalakin taga Gamad so nangguardiad saray torim. Insasabit dad saray padir mo iray samper da. Sikaray lalakin nampagangganad sika.

Ezekiel 27:13

Nannigosio ka ed Grecia, Tubal, tan Mesec tan insumbat mo na saray aripen tan saray kagawaan a gansa iray bengatlan lakom.

Ezekiel 27:33

Nen imbiahim ed dayat iray bengatlan lakom, Inter moy nakaukolan dan amin iray bansa. Minmayaman iray arari lapud kayamanan na saray bengatlan lakom.

Ezekiel 28:5

Lapud kasiliban mod nigosio, binmaleg lan binmaleg so atubom. Mapalaloy panagpaatagey mo lapud inkayaman mo!

Ezekiel 28:16

Anggapoy tondam a nansasaliw tan nanlalako, balet sikato yay makasengeg na impagmaliw mon maruksa tan makasalanan. Kanyan pinasoot ta kan ontaynan ed masanton palandey ko, tan samay anghil a nambantay ed sika et pinaarawi to kad saramay mankidyam a mabmablin bato.

2 Saray Awaran 9:21

Wala ray bapor ton ombibiahid Tarsis a kaiba da ray bapor nen Ari Hiram. Kapag kayariy taloy taon ompawil iran sankaawit da ray balituk, pilak, garing, tan saray bakes ya akekelag tan ankakabaleg.