Ezekiel 26:21 - Maung A Balita Biblia

²¹ Pagmaliwen ta kan makapataktakot a pangaligan, tan sikato la so anggaan mo. Anapen ka na saray totoo, balet ag kan balut narumog.” Say Katawan a Dios so nansalita.

Maung a Balita Biblia

²¹ Pagmaliwen ta kan makapataktakot a pangaligan, tan sikato la so anggaan mo. Anapen ka na saray totoo, balet ag kan balut narumog. Say Katawan a Dios so nansalita.

Ezekiel 26:21 Referans Kwoze

Ezekiel 27:36

Naandipat ka ya anggad angga; ataktakot ya amin iray nigosianti ed intiron mundo, natatakot ira ompan nadamay irad makapasinagem a nansumpalan mo.”

Puyan 18:21

Insan dinemet na makapanyarin anghil so sakey a baton singa kabaleg na gilingan. Intupak tod dayat, tan inkuanto, “Onyay kakasil na kitupak na makapanyarin siudad na Babilonia, tan ag lan balut nanengneng!

Ezekiel 28:19

Naandipat ka la ya anggad angga; amin a bansan akaamtad nansumpalan mo et ataktakot ira; natatakot ira, ompan nadamay irad makapasinagem a nansumpalan mo.”

Saray Salmo 37:36

balet ag abayag linmabas ak, et anggapo met la; inanap ko, et ag ko la narumog.

Jeremias 51:64

tan ikuanmo, ‘Onyay nagawa ed Babilonia—onlereg tan ag lan balut makaimwas, lapud deral ya iyakar dia na Katawan.’” Dia mansasamput iray salita nen Jeremias.

Jeremias 20:4

Ta say Katawan inkuanto, ‘Gawaen ta kan makapataktakot ed sikan dili tan diad saray kakaarom, tan nanengneng mo ran amin a pateyen ed ispada na saray kalaban da. Ipasilong kod pakayari na ari na Babilonia iray amin a totood Juda. Pateyen to ray arum ed sikara tan saray arum awiten to ran adakep ed Babilonia.

Ezekiel 27:1

Say Katawan inkuantod siak,

Daniel 11:19

Ompawil so ari ed saray tirinsira to ed dilin dalin to, balet natalo, tan saya la so anggaan to.