Ezekiel 26:20 - Maung A Balita Biblia

²⁰ Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.

Maung a Balita Biblia

²⁰ Iyakar ta kad pasen a kawalaan da ray inaatey, pian makapikasakey kad saray totoon nambibilay nen saman a panaon. Panayamen ta kad man a kaibam iray andi-anggaan a deral-deral tan saray inaatey. Lapud saya ag ka lan balut natoowan tan anggapo lay pasen mon balut ed dalin da ray mabilay.

Ezekiel 26:20 Referans Kwoze

Saray Salmo 27:13

Manisia ak a nanengneng ko so kaabigay Katawan diad sayan bilay.

Lucas 10:15

Tan sika, Capernaum, labay moy niatagey ya anggad tawen? Nibantak ka ni inged impirno!”

Zacarias 2:8

Siopamay mangabil ed sikayo kabilen toy sankablian ed siak.” Kanyan say Katawan a Makapanyarin-amin imbaki to ak a mangikuan ed saray bansan sinasamsaman da ray totoo to,

Jonas 2:6

Linma ak ed kaoteotelan da ray kapalandeyan, diad dalin ya angga lad anggan akasara iray puirta to. Balet sika, Katawan a Dios, et inagwat mo ak a mabilay manlapud kaaralman.

Jonas 2:2

“Diad kaermenan ko, O Katawan, tinmawag ak ed sika, et inebatan mo ak. Manlapud dalem na pasen a panaayaman da ray inaatey tinmawag ak a kinmerew na tulong, et dinengel mo ak.

Amos 9:2

Anggan mangotkot iran onlad pasen a panaayaman da ray inaatey, naerel ko rad man. Anggan onkalab irad tawen, iyepas ko ra.

Ezekiel 39:7

Ipaamtak ed saray totook ya Israel so masanton ngaran ko, tan ag ko la abuloyan a napelag ed kababaingan so ngaran ko. Diad satan nakabatan na saray bansa a siak so Katawan, say masanton Dios na Israel.”

Saray Tagleey 3:6

Pinasoot to ak ya impanayam ed ambilonget a pasen tan singa ak abayag lan inatey.

Isaias 59:10

tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Isaias 4:5

Insan diad tagey na Palandey na Sion tan diad tagey na saray totoon nantitipon diman, ibaki na Katawan so lorem no agew, tan say asewek tan say marlang ya apoy no labi. Say kagalangan na Dios sakbungan tan iyagel toy intiron siudad.

Saray Salmo 28:1

Ontatawag ak ed sika, Katawan, a manangyagel ko. Dengel mo ak pa! No ag mo ak ebatan, magmaliw ak a sakey ed saray totoon onlalasur ed pasen a panaayaman da ray inaatey.

Saray Bilang 16:33

Ontan sirin mabilay iran linma ed pasen a panaayaman da ray inaatey a pati saray kayaryan da. Kinmopit imay dalin a sinmangin angakmun ed sikara, et naandipat ira.

Saray Bilang 16:30

Balet no say Katawan et manggawa na bengatlan ag nin balut nadngelan, ta onsangi so dalin tan akmunen to ran amin a pati saray kayaryan da, et onla ran mabilay ed pasen a panaayaman da ray inaatey, naamtaan yo a sarayan totoo et impolisay day Katawan.”

Mateo 11:23

Tan sika, Capernaum, labay moy niatagey ya anggad tawen? Nibantak ka ni inged impirno! Ta no agawa komun ed Sodoma ray milagron agawad sika, wala nin anggad natay Sodoma!

2 Pedro 2:5

Lapud kasalanay katoowan, dinelap na Dios so intiron mundo nen saman a panaon. Anggapoy nilaban, likud labat ed kinen Noe a nampulong na katonungan tan saray pitoran kakaiba to.

Isaias 14:9

“Sipaparaan lan mangawat ed ari na Babilonia so pasen a panaayaman da ray inaatey. Saray ispiritu na saray makapanyari ed mundo et ag ira makareen. Onaalagey a manlapud trono ra iray ispiritu na saray nanari ed mundo.

Isaias 14:10

Iyeyag dan amin ed sikato, ‘Makapoy ka met lan singa sikami! Sakey ka met lad sikami!

Jeremias 33:9

Say Jerusalem et magmaliw a panlapwan na liket, galang, tan dayew ko; tan amin a bansa ed intiron mundo ontakot tan onggiwgiw ira no narengelan da ray nipaakar ed maabig a bengatlan gagawaen kod saray totood Jerusalem, tan say aligwas ya iiter kod siudad.”

Ezekiel 31:14

Kanyan manlapud natan, anggapo la so kiew, anggaman anto lay pakasalog ed sikato, ya ombaleg a singa saman odino makasabid kaloreman so toktok to tan naparaan to man a kabaleg. Amin da asintinsiaan ya ompatey iran singa saray ompatey a totoo, asintinsiaan iran mikasakey ed saray oonla ed pasen a panaayaman da ray inaatey.”