Ezekiel 26:16 - Maung A Balita Biblia

¹⁶ Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Maung a Balita Biblia

¹⁶ Amin da ray arari na saray bansan managbiahi ed dayat et onakseb irad trono ra. Lakseben da ray mararakep a kolibemben da tan saray binordaan a kawes da, insan ira manggiwgiw ya onyurong ed dalin. Nataktakot irad agawad sika tan ag ira makatondan onggiwgiw.

Ezekiel 26:16 Referans Kwoze

Ezekiel 32:10

Onkelaw iray amayamay a bansa lapud gawaen kod sika. No iwasiwas koy ispadak, onggiwgiw ed takot iray arari. Diad agew a katalom, onggiwgiw iran amin ed takot lapud pangyagel dad bilay da.”

Jonas 3:6

Nen nadngelan na ari ed Ninive so nipaakar ed saya, inmepas a nanlapud trono to, nilakseb toy kawes to, nansolung na sako, tan nanirung ed dapul.

Oseas 11:10

“Ontombuk ed siak iray totook no singa ak lion ya ongwam ed saray kalaban da. Manlapud sagur mangganat iran ondagod siak.

Say Libro nen Job 8:22

balet ipelag tod kababaingan iray mamobosul ed sika, tan saray maoges a totoo naandipat so kaabungan da.”

1 Pedro 5:5

Sikayo ra met a mamalangwer, toluk kayod saray mamatakken. Mampaabeba kayo ya amin tan manlilingkuran kayo, ta onung na ibabagay Masanton Sulat, “Say Dios sumlang ed toon mapaatagey, balet inaro toy toon mapaabeba.”

Isaias 3:26

Manermen tan manakis iray puirta na siudad, tan say dilin siudad magmaliw a singa biin labus-lakseb a manyodyorung ed dalin.

Saray Salmo 35:26

Saray elek-elekan day paniirap ko et sigput ira komun a natalo tan nagewgew; saray mambalegbalegan nen say siak et napaabeba ra tan napelag ira komun ed kababaingan.

Daniel 5:6

Pinmotiy bosaleg to tan diad gaway inkataktakot to, mampayegpeg iray pueg to.

Ezekiel 7:8

“Ag la mabayag, ondapo lad sikayoy amin a biskeg na pasnuk ko. Sisintinsiaan ta kayo lapud saray ginagawa yo, tan singilen ta kayo lapud saray makapaingungot a kagagawa yo.

Saray Tagleey 2:10

Andi-eseesel ya akayorung ed dalin iray mamasiken ed Jerusalem, Angyan iray dabuk ed kaoloan da tan nankakawes iray sako. Indadakmomo na saray mamarikit ed siudad so kaoloan da ya anggad dalin.

Isaias 52:2

Pokpokan moy dabuk ed sikan dili, O Jerusalem! Bangon kad dabuk tan yorung kad tronom! Okbar yoy golunggolung ya akasinger ed sikayo, sikayon adakep a totood Sion!

Isaias 47:1

Say Katawan kuanto, “Babilonia, epas kad tan ed tronom tan yorung kad dabuk ed dalin. Nen saman singa ka sakey a birhin, sakey a siudad ya ag natalo, balet natan aliwa ka lan anlemek tan masimpit! Aripen ka la natan!

Saray Salmo 132:18

Tabunan ko na kababaingan iray kalaban to, balet onaligwas so nanarian to.”

Saray Salmo 109:29

Nakobutan komun na kababaingan iray kalaban ko, isolung da komun a singa kawes so kababaingan da.

Saray Salmo 109:18

Singa kainomay na panangisulong toy kawes so panangisamba to; singa danum met komun ya onsepsep ed laman to iray samba to, tan singa ra larak komun ya onsepsep ed saray pokel to!

Exodo 15:15

Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

Puyan 18:9

Samay siudad panermenan tan nangisan na saray ararid tapew na dalin ya akikaloguran tan akiliket ed sikato, leleg dan nenengnengen so asewek na kapopoolan to.

Isaias 41:5

“Saray totood saray arawin dalin anengneng day ginagawak; manggiwgiw irad takot da. Kanyan nantitipon iran amin tan dinmago ra.

Jeremias 48:39

Abetag-betag lay Moab! Eyag kayo! Naplag lad kababaingan so Moab. Aderal la, tan luludlureyan na amin a kaliber-liber ton bansa. Siak, say Katawan, so nansalita.”

Ezekiel 7:27

Manermen so ari, naekalan na ilalo so prinsipi, tan onggiwgiw ed takot iray totoo. Dusaen ta kayo lapud amin a ginagawa yo, tan sintinsiaan ta kayo onung na impansintinsia yo ed saray arum a totoo. Diad saya naamtaan yo a siak so Katawan.”

Ezekiel 16:10

Sinolungan ta kay nambordan kawes tan initdan ta kay sapatos a balibaliy katat to; initdan ta ka met na linen a bandana tan sidan kolibemben.

Ezekiel 26:21

Pagmaliwen ta kan makapataktakot a pangaligan, tan sikato la so anggaan mo. Anapen ka na saray totoo, balet ag kan balut narumog.” Say Katawan a Dios so nansalita.

Ezekiel 28:17

Mapaatagey ka lapud inkaguapom, tan lapud inkabantug mo nagmaliw kan singa makulang-kulang. Lapud saya imbantak ta kad dalin tan tinaynan ta kad man a sakey a pasakbay ed saray arum ya arari.

Aggeo 2:22

taloen ko ray bansa tan panganggaen koy pakayari ra. Ipabalintuag ko ray karwahi ra tan saray kutsiro ra; ompatey iray kabayo tan mampapateyan iray kumakabayo.

Ezekiel 31:15

Sikato yay kuan na Katawan a Dios: “No agew a samay kiew onlad pasen a panaayaman da ray inaatey, patabonan kod danum ed dalem na dalin a tanda na panermen. Saraan ko ray ilog tan ag ko paagosen iray kolus. Lapud inatey imay kiew, kobutan ko na bilonget iray Kapalandeyan na Libano tan palenesen kon amin iray kiew ed palandey.