Ezekiel 25:6 - Maung A Balita Biblia

⁶ “Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.

Maung a Balita Biblia

⁶ Sikato ya so ibabaga na Katawan a Dios: Nantitipak tan nanlulugtot kayod liket. Binabalaw yoy dalin na Israel.

Ezekiel 25:6 Referans Kwoze

Sofonias 2:8

Say Katawan a Makapanyarin-amin kuanto, “Nadngel kon saray totood Moab tan Ammon et babalawen tan leleglemewen da ray totook, tan matangtangsit iran mangibabaga a nalooban day dalin da.

Obadias 1:12

Ag yo nepeg a nanliketan komun imay makapasinagem ya agawad saray agagi yod Juda. Ag yo nepeg so nanliket komun ed samay agew na inkaderal da. Ag yo nepeg ya ineelekan ira komun diad samay inkaermenan da.

Sofonias 2:10

Onya so pakadusa na saray totood Moab tan Ammon lapud panagpaatagey da tan lapud pinapabaingan da ray totoo na Katawan a Makapanyarin-amin.

Nahum 3:19

Anggapo lay panambal ed saray sugat mo, tan ag la ra naabigan. Mantipak ed liket iray amin a makarengel ed balitan nipaakar ed inkaderal mo. Wala tay akapaliis ed ag manganggan inkaruksam?

Ezekiel 36:5

“Diad gaway pasnuk ko, siak a Katawan a Dios, nansalita ak na sumpad saray kaliber-liber a bansa, nagkalalo lad Edom. Diad ontan lan liket tan panagbalaw da, dinakep day dalin ko tan kinayaryan da ray pastolan to.

Ezekiel 25:15

Say Katawan a Dios kuanto, “Saray Filisteo et alablabas so imbawi rad saray gendat lan kalaban da tan diad gaway pambosul da dineral da ra.

Ezekiel 6:11

Inkuan na Katawan a Dios, “Yesyes yo ray kalimaan yo! Ikarag-karag yo ray sali yo! Akis kayod ermen lapud amin da ray maoges tan makapaingungot a ginagawa na saray Israelita. Ompatey irad bakal o eras o salot.

Say Libro nen Job 27:23

Mambanesbes ya ombasig so dagem ed sikato legan ya ombabatik, tan patakoten to lapud pakayari ton manderal.

Sofonias 2:15

Ontan so nagawa ed siudad ya ipapangaya toy dilin pakayari to tan ipapasen toy sikaton dili ya arawid kaatapan. Ipapasen na saray totoo to a say siudad da so sankatalonggaringan ed intiron mundo. Magmaliw a begte-begtew a pasen, sakey a pasen a panayaman na saray ayayep ed katakelan! Balang toon ondalan ed saman a pasen et makasoner ed kataktakot to.

Ezekiel 35:15

a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.”

Saray Tagleey 2:15

Saray totoon ondadalan ed siudad et ngirngiriyetan da ka lapud pambabalaw dad sika. Mameyeng-peyeng ira tan elek-elekan day inkaderal na Jerusalem: “Sikato ya may marakerakep a siudad? Sikato yay ikikinon na sankamundoan?”

Jeremias 48:27

Moab, nanunotan mo no panoy impanluludlurey mod saray totood Israel? Impapasen mon kaolup ira na saray matakew, kanyan mameyeng-peyeng ka kapag nasalitam ira.

Probirbio 24:17

Ag mo panliliketan so kaderal na kalaban mo, tan ag ka manggagayaga no natumba.

Say Libro nen Job 34:37

Aaruman to na pananumlang iray kasalanan to; diad arap tayon amin luludlureyen toy Dios.

Ezekiel 25:3

Ibagam ed sikaran ondengel irad ibabagak, siak a Katawan a Dios: Akaliket kayon akanengneng ed inkadotakan na Timplok, say inkaderal na dalin ya Israel, tan say inkibantak na saray taga Juda.

Saray Tagleey 1:7

Natan ta aderal-deral lay Jerusalem, nudnunoten toy kagalangan to nen saman. Anggapoy ontulong ed sikato nen sikatoy naplag ed lima da ray kalaban; Elek-elekan na saray anakep ed sikato lapud inkatalo to.