Ezekiel 25:4 - Maung A Balita Biblia

⁴ Lapud akaliket kayo, abuloyan kon taloen kayo na saray tribu ed nibokig a kalawakan. Ipasen dad bansa yo iray kampo ra tan manayam irad man. Kanen da ray bungay tanaman yo tan inomen da ray kayaryan yon gatas.

Maung a Balita Biblia

⁴ Lapud akaliket kayo, abuloyan kon taloen kayo na saray tribu ed nibokig a kalawakan. Ipasen dad bansa yo iray kampo ra tan manayam irad man. Kanen da ray bungay tanaman yo tan inomen da ray kayaryan yon gatas.

Ezekiel 25:4 Referans Kwoze

Saray Huis 6:33

Insan nantitipon ya amin iray Madianita, saray Amalecita, tan saray tribud kalawakan, binaliw day Ilog na Jordan, tan nankampo ra ed Patar na Jezreel.

Deuteronomio 28:51

Kanen da ray ayayep yo tan saray bunga da ray tanaman yo, et ompatey kayod eras. Ag da kayo ikeraan na saray bungay tanaman yod alog, alak, larak na oliba, baka, odino karniro; et ompatey kayo.

Deuteronomio 28:33

Saray totoo na sakey a bansan ag yo amta et alaen na da ray bunga na saray tanaman a nansagputan yon pinabaleg, balet panamairap tan panamasegsegang labat so awaten yo lawas.

Isaias 1:7

Nagmaliw ya apaolyan so bansa yo tan tinemek na apoy iray siudad yo. Sankanengneng yon sasakopen na saray taga arum a bansa so dalin yo tan dederalen day amin a bengatla.

1 Saray Arari 4:30

Makabat si Solomon nen saray makabat a totood Bokig odino saray makabat a totood Egipto.

Isaias 41:2

“Siopay angyakar na mananalod bakal a taga bokig tan panataloen to ya anggad iner so laen to? Siopay mangiiter ed sikatoy pananalo ed saray arari tan saray bansa? Wawasiwasen to ra na ispada to, et nikayat iran singa dabuk. Bubuyaken ira na saray pana to, et magmaliw iran singa osang ya itiktikyab na dagem.

2 Samuel 12:26

Intuloy nen Joab so impibakal tod Rabba, say manonan siudad na Ammon. Nen ngalngali to la nadakep,

Saray Huis 8:10

Di Zeba tan Zalmuna tan saray sondalo ra et wala rad Carkor. Diad amin da ray sondalo na saray tribu ed kalawakan, sakey a labinliman libo labat so akeraan; sanlasus tan duamplon libo lay apatey.

Saray Huis 7:12

Singa olup na dakerakel a dorun iray Madianita, saray Amalecita, tan saray kabyangay tribu ya akapanat ed patar, tan singa karakel na buer ed gilig na dayat iray kamilyo ra.

Saray Bilang 23:7

Imbalikas nen Balaam so sayan propisiya: “Manlapud Aram ed nibokig iran kapalandeyan Impaawit ak nen Balak ya ari na Moab. Inkuanto, ‘Gala, ta isalitaan mo ak, Isamban iray Israelita.’

Levitico 26:16

dusaen ta kayo. Ipadalan kod sikayoy deral—saray ag natambal a sakit tan say petang na laman a mamulag ed sikayo tan kalkalnan ton oyusey bilay yo. Mantanem kayo balet anggapoy nagonggona yo, ta saray kalaban yo so mangalad saray intanem yo.

Genesis 29:1

Intuloy nen Jacob so akar to tan amaarap ed dalin a bandad Bokig.

Saray Tagleey 1:14

“Inlista ton amin iray kasalanan ko, insan to ra binerber ya amin; Imbitin to ra ed beklew ko, et kinmapoy ak lapud saya. Impalima ak na Katawan ed saray kalaban ko, tan siak so sarasarag da.

Ezekiel 25:10

Abuloyan ko ray tribu ed nibokig a kalawakan a taloen day Moab, a pati say Ammon, pian magmaliw ya aliwa lan bansa so Moab.