Ezekiel 25:11 - Maung A Balita Biblia

¹¹ Dusaen ko so Moab, et naamtaan na saray totoo a siak so Katawan.”

Maung a Balita Biblia

¹¹ Dusaen ko so Moab, et naamtaan na saray totoo a siak so Katawan.

Ezekiel 25:11 Referans Kwoze

Judas 1:15

pian sintinsiaan toy amin a katoowan tan dusaen to ray makasalanan lapud maoges iran gawgawa ra, tan lapud saray maoges a sinalita ra sumpad Dios!”

Ezekiel 39:21

Say Katawan kuanto, “Abuloyan kon nanengneng na saray bansa so kagalangan ko tan ipanengneng kod sikara no panoy pangikakanak na pakayarik diad pangipakurang kod sintinsian ginawak.

Ezekiel 35:15

a singa samay impanliket mod inkaderal na Israel a kayaryan ko. Say kapalandeyan na Seir, on, say intiron dalin na Edom, magmaliw a begtebegtew. Diad satan naamtaan na amin a katoowan a siak so Katawan.”

Ezekiel 30:19

No onya so panusak ed Egipto, nakabatan da a siak so Katawan.”

Ezekiel 30:14

Pagmaliwen kon begtebegtew so abalaten na Egipto tan poolan koy siudad na Zoan diad baybay. Dusaen koy manonan siudad na Tebes.

Ezekiel 25:17

Mapalaloy panusak ed sikara tan iyoput koy anggaay nayarian kon ombales ed sikara. Nalikna ra so pasnuk ko. Diad satan naamtaan da a siak so Katawan.”

Ezekiel 25:5

Pagmaliwen kon pastolan na saray asno so siudad na Rabba, tan magmaliw so intiron bansa na Ammon a pastolan na saray karniro, pian naamtaan yo a siak so Katawan.

Ezekiel 16:41

Poolan da ray kaabungan mo tan ipanengneng dad saray amayamay a bibii so kadudusam. Patondaen ta kad pipiakdul mod saray arum a lalaki tan ag ta ka la pangiteren na rigalo ed saray kainarowan mo.

Ezekiel 11:9

Ipaway ta kayod siudad tan ipalima ta kayod saray taga arum a bansa. Sinintinsiaan ta kayon ompatey,

Ezekiel 5:15

“No ampetang so olok tan mapalaloy pasnuk kod sikayo tan dusaen ta kayo, nataktakot ya amin iray bansan walad kaliber-liber yo. Naingungotan iran onnengneng ed sikayo, tan ludlureyen da kayo.

Ezekiel 5:10

Lapud sayan dusa, saray atateng ed Jerusalem kanen da ray anak da, tan saray anak kanen da ray atateng da. Dusaen ta kayo tan itaytayak kod anggan iner a pasen iray natilak a mabilay ed sikayo.

Ezekiel 5:8

Kanyan siak a Katawan a Dios ibabagak ed sika a siak so kalaban mo. Sintinsiaan ta ka a sankanengneng na saray totood arum a bansa.

Saray Salmo 149:7

pian natalo da ray bansa, tan nadusa da ray totoon pagano;

Saray Salmo 9:16

Impaamtay Katawan so sikaton dili diad panamegley da ray matonung a pananintinsia to, tan apatitan iray maoges a totoo ed dilin gawgawa ra.

Ezekiel 25:10

Abuloyan ko ray tribu ed nibokig a kalawakan a taloen day Moab, a pati say Ammon, pian magmaliw ya aliwa lan bansa so Moab.

Ezekiel 25:12

Say Katawan a Dios kuanto, “Saray totood Edom et alablabas so imbawi rad Juda tan, lapud sayan imbawi ra, nagmaliw so Edom a makasalanan ya anggad angga.

Ezekiel 28:26

Manayam irad man ya arawid kaatapan. Mangipaalagey ira na saray abung tan mantanem ira na saray ubas. Dusaen kon amin iray walad kaliber-liber na Israel a nambabalaw ed sikato, et niarawid kaatapan so Israel. Diad satan naamtaan da a siak so Katawan a Dios da.”