Ezekiel 24:6 - Maung A Balita Biblia

⁶ Sikato ya so kuan na Katawan a Dios: “Pakaskasi so siudad a kawalaan da ray totoon managpatey na too! Kapara toy latiyan a kaldiro ya ag balut naorasan. Sansakey a nanaala so tegteg na karni tan anggapoy akeraan a karga to.

Maung a Balita Biblia

⁶ Sikato ya so kuan na Katawan a Dios: Pakaskasi so siudad a kawalaan da ray totoon managpatey na too! Kapara toy latiyan a kaldiro ya ag balut naorasan. Sansakey a nanaala so tegteg na karni tan anggapoy akeraan a karga to.

Ezekiel 24:6 Referans Kwoze

Ezekiel 22:2

Inkuanto, “Sika a toon ompatey, akaparaan ka lan manintinsia ed siudad a napno na saray managpatey na totoo? Ipalinew mon ibawag ed sikato iray makapaingungot a ginagawa to.

Nahum 3:1

Pangaskasiyan so kipapasen na siudad a managpatey na too, say siudad a napno na kayamanan a samsamen.

Nahum 3:10

Balet saray totood Tebes et nibantak irad arum a bansa. Diad inerman a sokung na dalan, saray anak da et nipaspas ira ya anggad ag da impatey. Agolunggolungan a niakar ed arum a bansa iray manonan totoo ra tan nanaapagan ira na saray akadakep ed sikara.

Mikias 7:2

Anggapo lay nakdaan ya anggan sakey a matonung a too ed bansa, anggapo lay toon matoor ed Dios. Balang sakey a too et manaalagar na pankanawnawa ton mamatey ed kapara ton too. Balang sakey et labay ton erelen so siopaman a kadalaan to.

Obadias 1:11

Nen saray kalaban da et nilooban da ray puirta ra, manalalagey kayo labat ed bandad arawi. Kaparpara yon maoges ira may taga arum a bansan nansasamsam na kayamanan na Jerusalem, insan da inaapag ed sikaran dili.

Ezekiel 22:27

Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

2 Saray Arari 24:4

nagkalalo lad samay impamatey tod saray totoon anggapoy kasalanan. Ag napirdona na Katawan si Manases lapud saman a ginawa to.

Puyan 18:24

Adusay Babilonia, lapud nalmod sikatoy dala na saray propita, saray totooy Dios, tan amin a pinapatey ed tapew na dalin.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Jonas 1:7

Saray mariniro kuandad sakey tan sakey ed sikara, “Mambibinagut itayo, ta nengnengen no siopay nepeg a natetel ed sayan asagmakan tayon kaatapan.” Nambibinagut ira sirin, et say ngaran nen Jonas so abagut.

Joel 3:3

Nampapalaranan ira no siopay mangalad saray adakep. Inlalako ran aripen iray ogogaw a lalaki tan bibii, pian walay nibayar dad saray marotak a bibii tan walay nisaliw day alak.

Ezekiel 24:9

Sikato yay ibabaga na Katawan a Dios: “Pakaskasi so siudad a kawalaan da ray managpatey na totoo! Siak a dili so mangisimbun na kiew ya itutungo.

Ezekiel 22:12

Wala ray totoom a miuupan mamatey na arum a totoo. Saray arum mapalaloy panagpaabang day kuarta ed saray kapara ran Israelita tan onyayaman irad panaganamut day pankanawnawa ra. Alingwanan da ak.” Say Katawan a Dios so nansalita.

Ezekiel 11:11

Ag kayo iyagel na sayan siudad; aliwan singa pangyagel na banga ed karnin akakargad dalem to so pangyagel to. Dusaen ta kayo, anggan iner so kawalaan yo ed loob na dalin na Israel.

Jeremias 6:29

Manliub so palbaan, balet ag natotonaw odino naeekal so dotak na mital. Anggapoy kana so pangituloy na pampalba, ta ag met lamlamang naeekal iray totoon maoges.

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

2 Samuel 8:2

Insan to tinalo ray Moabita; pinarokul tod dalin iray priso, sinukat to ra na lobir, insan to pinatey ed sikara so duara ed kapag talora. Kanyan saray Moabita nagmaliw iran walad silong na pakaoley to, tan nambabayar iray buis ed sikato.

Josue 10:22

Insan inkuanen Josue, “Lokasan yo may ongib tan iyakar yo dia ra may arari.”

2 Saray Arari 24:3

Agawa ya diad panangiganggan na Katawan, pian napaekal tod arap to ray totood Juda lapud amin da ray kasalanan a ginagawa nen Manases,

Ezekiel 11:3

Ikukuanda, ‘Ag mabayag mangipaalagey itayo lamet na kaabungan tayo. Say siudad et aliling toy banga, tan aliling tayoy karnin akakarga, balet iyagel to itayod apoy.’

Ezekiel 22:3

Ibagam ed siudad so ibabagak, siak a Katawan a Dios: Lapud pinapatey mo ray amayamay a totoom tan dinotakan moy sikan dili diad impangigagalang mod saray talintaoy diriyos, onsasabi lay panaon mo.

Ezekiel 24:3

Ibagam ed saray mananumpan totook so sayan alimbawa, a siak a Katawan a Dios kuankod sikara: Itoon yo so kaldiro tan pano yo na danum.

Deuteronomio 23:13

Say sakey ed saray awit yon kagawaan et say baston a kiew, pian no mambawas kayo makakotkot kayoy abut insan natabunan yo so bawas yo.

Jeremias 2:22

Anggaman a mansabon ka na sanka-bayanian a sabon ed panames mo, nanengneng ko nin siansiay mansay kasalanan mo.