Ezekiel 24:22 - Maung A Balita Biblia

²² Diad satan gawaen yoy singa ginawak. Ag yo sakbungan so kalupaan yo odino mangan na kakanen da ray maneermen.

Maung a Balita Biblia

²² Diad satan gawaen yoy singa ginawak. Ag yo sakbungan so kalupaan yo odino mangan na kakanen da ray maneermen.

Ezekiel 24:22 Referans Kwoze

Jeremias 47:3

Narengel da ray kutdang na saray kabayo, say pampanaspas na saray karwahi, say tanul na pantetlek da ray dalig. Ag la pawilen na saray ama iray anak da; laoylaoy iray taklay da.

Saray Salmo 78:64

Inatey iray papari ra diad panamegley na ispada, tan ag naabuloyan a lamayan ira na kaasawaan da.

Say Libro nen Job 27:15

Ompatey ed salot iray makaligtas ed bakal, et ag manermen iray anggan kaasawaan da.

Levitico 13:45

Say toon walay kating ed laman to nepeg a mankawes na apilat-pilat, ag mansagaysay, sakuban toy kapalduan lupa to ed bandad leksab, tan oneyag, “Marotak, marotak!”

Ezekiel 24:21

a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 24:23

Ag kayo ompaway ya anggapoy turban yo odino kasali-sali; ag kayo manermen odino onakis. Onebeng kayo lapud saray kasalanan yo, tan manaakisan kayo.