Ezekiel 24:21 - Maung A Balita Biblia

²¹ a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Maung a Balita Biblia

²¹ a salitaen ko yad sikayon Israelita: Ikikinon yoy biskeg na Timplo. Labalabay yon nengnengen tan laen, balet dotakan na Katawan. Napatey ed bakal iray malangwer nin kabyangay pamilya yon atilak ed Jerusalem.

Ezekiel 24:21 Referans Kwoze

Ezekiel 23:47

Patupak yo rad sarayan totoo, padogpaan yo ra na ispada, papatey yo ray anak da, tan papoolan yo ray kaabungan da.

Ezekiel 23:25

Lapud petang na olok ed sika, ipadapok ed sika so sulit na pasnuk da. Ekalan da kay eleng tan layag tan pateyen da ray anak mo. On, alaen dad sika iray anak mon lalaki tan bibii, insan da ra poolan a mabilay.

Jeremias 7:14

Kanyan gawaen kod sayan Timplok a panmamatalkan yo so singa samay ginawak ed Silo. Gawaen kod sayan pasen ya inter kod sikayo tan saray lalaki yo so singa samay ginawak ed Silo.

Saray Salmo 27:4

Saksakey so kinerew kod Katawan; saksakey so pampipilalekan kon nagamuran: say panayam kod abung na Katawan legay bilay ko, pian nanengneng kod may kaabigan to, tan nakerew ko so panangiwanwan to.

Ezekiel 24:16

Inkuanto, “Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.

Jeremias 6:11

Napno ak na sanuk mo, Katawan, tan naooputan ak lay anos a mamokpok ed sanuk mo.” Insan inkuan na Katawan ed siak, “Idapom so sanuk ko ed saray ogogaw a walad daladalan tan diad pantitiponan da ray tobun-balo. Nadakep iray asawan lalaki tan saray asawan bibii, tan anggan saray mamatakken lan maung.

Saray Salmo 84:1

Agaylay kaabigan na Timplom, O Makapanyarin-amin a Katawan!

Daniel 11:31

Pagmaliwen na arum a sondalo to a marotak, onung ed ganggan, so Timplo. Patondaen day inagew-agew a bagat tan ilira da so Makapataktakot a Managderal.

Ezekiel 9:7

Inkuan na Dios ed sikara, “Dotakan yoy Timplo. Pano yo na bangkay iray patio to. Igapo yo lay kimey yo!” Kanyan inggapo ray nampapatey na saray totoo ed dalem na siudad.

Saray Tagleey 1:10

Sinamsam na saray kalaban iray amin a kayamanan to. Anengneng to ran linmoob ed Timplo, a say dalem to et insebel na Katawan a looban na saray Hintil.

Jeremias 9:21

Linmoob ed saray bintana tayo so patey tan nilooban to ray palasio tayo; pinagit tod saray dalan iray ogogaw tan saray lalakin tobun-balo diad saray tindaan.

Isaias 65:11

“Balet nidomay kasumpalan yo, sikayon mangikakaindan ed siak, mangililingwan ed Sion a masanton palandey ko, tan mangigagalang ed Gad tan Meni a diriyos na kapalaran tan pansumpalan.

Saray Salmo 132:8

Katawan, gala pad Timplo a kaibam so Kaban na Sipanan, say tanda na pakayarim, tan manayam ka dian anggad angga.

Saray Salmo 105:4

Laka yod Katawan tan kerew kayoy tulong to; tan igalang yo ed ando lan ando.

Saray Salmo 96:6

Galang tan pakayari so walad kaliber-liber to; biskeg tan dakep so walad dalem na Timplo to.

Saray Salmo 79:1

O Dios, say dalin mo et nilooban na saray pagano. Dinotakan day inkasanto na Timplom tan dineral-deral day Jerusalem.

Saray Salmo 74:7

Dineral tan pinoolan day Timplom; ag da pinagalangan so pasen a pangigagalangan ed sika.

Levitico 26:19

Patondaen koy ontan lan inkamapaatagey yo; anggapoy ompelag ya oran, et onmaga so dalin yo tan onawet a singa balatyang.

Ezekiel 7:24

Iyakar ko dia iray sankaogsan a bansa tan paalak ed sikara so kaabungan yo. Saray sankabiskegan a lalaki naekalan iray biskeg na linawa no palooben ko ray bansa a mandotak ed saray pasen a panangigalangan yo.

Ezekiel 24:20

Kanyan inkuankod sikara, “Akisalitad siak so Katawan tan imbaga tod siak

Ezekiel 24:22

Diad satan gawaen yoy singa ginawak. Ag yo sakbungan so kalupaan yo odino mangan na kakanen da ray maneermen.

Ezekiel 24:25

Inkuan na Katawan, “Natan, sika a toon ompatey, dengel moy ibagak. Ekalen kod sikara so Timplo ya ikikinon da tan pakaliliketan da; labalabay dan nengnengen tan laen. Ekalen ko met iray anak dan lalaki tan bibii.

Ezekiel 33:28

Pagmaliwen kon begtebegtew tan andi-kakanaan so dalin na Israel tan panganggaen koy inkikinon dan pakayari. Pagmaliwen kon anggapoy onkitakitaw iray kapalandeyan to, pian anggapoy malabay ya ondalan diman.

Oseas 9:16

Saray totood Israel et singa ra sakey a tanaman ya amagaay lamut to tan ag makapambunga. Ag la ra makaanak, et anggaman a makaanak ira, pateyen ko ray inararo ran anak.”

Malakias 2:12

Ekalen komun na Katawan ed olupan na saray Israelita so siopaman a nanggawad saya, tan ag to la ran balut pibiangen ed saray bagat ya isasaklang na bansa tayo ed Katawan a Makapanyarin-amin.

1 Saray Arari 9:7

paekalen ko ray totook ya Israelita ed dalin ya inter kod sikara. Ikaindan ko met yan pinasantok a Timplo a sikatoy pangigalangan ed siak; balawen tan melag-melagen met na saray totoo ed inerman a pasen so bansan Israel.

Saray Salmo 84:3

Anggan saray manok ed tagey nanggagawa ray obung da, tan saray anuyaw walay panaayaman da; isisinup da ray sibong da ed abay na altar mo, O Katawan a Makapanyarin-amin, arik tan Dios ko.

Saray Tagleey 2:1

Lapud pasnuk na Katawan, kinobutan to na bilonget so Sion. Impagmaliw na Katawan a bunton na deral-deral so mangatatawen ton kagalangan. Diad agew na pasnuk to inkaindan to so anggan Timplo to.

Saray Tagleey 2:21

Malangwer may matakken, kibalatar iran bangkay ed saray dalan. Apatey-patey na ispada na saray kalaban iray mamalangwer a bibii tan lalaki. Andi-panangasin pinapatey mo ra nen agew na pasnuk mo.