Ezekiel 24:17 - Maung A Balita Biblia

¹⁷ Ag mo ikakasil so panngesnges mo. Ag ka ompapaway ya anggapoy turban mo odino kasali-sali a pangipanengneng moy ermen mo. Ag mo sasakbungay lupam; ag ka met mamangan na kakanen da ray maneermen.”

Maung a Balita Biblia

¹⁷ Ag mo ikakasil so panngesnges mo. Ag ka ompapaway ya anggapoy turban mo odino kasali-sali a pangipanengneng moy ermen mo. Ag mo sasakbungay lupam; ag ka met mamangan na kakanen da ray maneermen.

Ezekiel 24:17 Referans Kwoze

Oseas 9:4

Diad saraman a dalin a kibantakan da, ag da nayariay mangibagat na alak ed Katawan odino mangisaklang na arum ni ran bagat ed sikato. Say tagano ra et singa kakanen no tolur, a dotakan toy balang sakey a mangan. Ikana a panempey labat na eras; anggapoy nayarin iyakar ya ibagat ed Timploy Katawan.

2 Samuel 15:30

Tinmatdang si David ed Palandey na Kaolibaan; manakakis, akasali-sali tan sinakbungan toy olo to a pangipanengneng toy ermen to. Sinakbungan met na amin a totoo to so olo ra tan manakakis met ira.

Levitico 21:10

“Say Pangulon Pari et kinalboan na larak so olo to tan nisaklang a mangisolung na saray kawes na pari, kanyan ag to nepeg a paolyan ya ag asagaysay so buek to odino pilaten toy kawes to diad pangipanengneng ton maneermen.

Levitico 10:6

Insan inkuanen Moises ed kinen Aaron tan diad saray lalakin anak to a di Eleazar tan Itamar, “Ag yo papaolyan ya agotgot so buek yo, odino pipilaten iray kawes yo diad pangipanengneng yon maneermen kayo. No gawaen yo ompatey kayo, tan say Katawan mampasnuk ed amin ya Israelita. Balet amin a kapara yon Israelita et naabuloyan iran manermen, lapud sayan patey a say makasengeg et say apoy ya impelag na Katawan.

Habacuc 2:20

Say Katawan et walad dalem na masanton Timplo to; mandeen komun ed arap to so balang sakey a too diad tapew na dalin.

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Amos 8:3

Diad satan ya agew saray kansion ed palasio et magmaliw a panagugol lapud ermen. Kitongilang ed satan iray bangkay ed anggan iner a pasen. Ibantak da ran anggapoy eseesel.”

Saray Salmo 46:10

Kuanko, “Itonda yo lay panlalaban yo, tan birbir yon siak so Dios, sankatalonggaringan ed saray bansa, sankatalonggaringan ed intiron mundo.”

Saray Salmo 39:9

Mandeen ak, ag ak mangibalikas na anggan anton salita, ta sikay nanlapwan na sayan paniirap ko.

Saray Salmo 37:7

Mandeen kad arap to, tan mananos kan manalagar ed sikato; ag ka nagugunigon lapud saray totoon onaaligwas, odino lapud saray totoon maung so pansusumpalay maoges iran getma ra.

Levitico 13:45

Say toon walay kating ed laman to nepeg a mankawes na apilat-pilat, ag mansagaysay, sakuban toy kapalduan lupa to ed bandad leksab, tan oneyag, “Marotak, marotak!”

Mateo 9:23

Nen sinmabiy Jesus ed abung to may opisyal, anengneng to ray musikon managtogtog ed pompon tan saray totoon kingalangal.

Isaias 20:2

Taloy taon kasakbayan na sayan agawa, imbaga na Katawan ed kinen Isaias a lakin anak nen Amoz ya ekalen to ray sandalya to tan say insolung ton sako. Inmonur si Isaias tan nanliber-liber a kasali-sali tan labus-lakseb.

Jeremias 13:18

Inkuan na Katawan ed siak, “Ibagam ed ari tan say ina to ya onakseb iran manlapud trono ra, lapud naplag manlapud olo ra iray marakerakep a korona ra.

Ezekiel 24:18

Kabkabwasan, akitongtong ak ed saray totoo. Diad saman a labi inatey so asawak, tan diad ontombuk ya agew ginawak imay nibagad siak.

Ezekiel 44:18

Pian ag ira manlinget, nepeg a mansolung ira na linen a turban tan linen a pantalon, balet anggapoy balkes.