Ezekiel 24:16 - Maung A Balita Biblia

¹⁶ Inkuanto, “Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.

Maung a Balita Biblia

¹⁶ Inkuanto, Sika a toon ompatey, diad sakey labat a waswas alaen koy toon inararom. Anggaman onyay nagawa ag ka manririklamo odino onaakis odino onlulua.

Ezekiel 24:16 Referans Kwoze

Jeremias 22:10

Totood Juda, ag yo aakisan si Ari Josias, odino eermenan so impatey to. Balet akisan yoy ampaipait si Joacaz a lakin anak to; aawiten dad arawin pasen tan ag lan balut makapawil; ag to lan balut nanengneng so dalin ton nianakan.

Jeremias 13:17

No ag kayo ondengel, maamut a manakis ak lapud panagpaatagey yo. Manakis ak na ampaipait, tan onagos so luak lapud nalan adakep iray totoo na Katawan.

1 TESALONICA 4:13

Agagi, labay min naamtaan yoy katwaan nipaakar ed saray inaatey la, pian ag kayo manermen a singa saray anggapoy ilalo.

Ezekiel 24:18

Kabkabwasan, akitongtong ak ed saray totoo. Diad saman a labi inatey so asawak, tan diad ontombuk ya agew ginawak imay nibagad siak.

Kanta nen Solomon 7:10

Kayaryan ak na inarok, tan pampilalekan to ak.

Saray Tagleey 2:18

O Jerusalem, patawag mo na maksil ed Katawan iray padir mo! Paagos mon singa ilog so luam ed agew tan labi; Manakis tan manermen ka lawas ya anggad ikapoy mo.

Jeremias 16:5

“Ag ka onloloob ed abung a walay maneermen. Ag mo paneermenan so siopaman. Ag ko la bindisionan na kareenan iray totook, odino aroen tan kasian.

Jeremias 9:18

Saray totoo inkuanda, “Pangganat yo ra, ta kantaan da kami na kantan para tolur, anggad onterter iray lua mi, tan nabasa-basa ray goyamgoyam mi lapud kakaakis.”

Jeremias 9:1

Bobun na danum la komun yay olok, tan sobul na lua iray matak, pian makapanakis ak ed agew tan labi lapud saray totood bansak ya apatey-patey.

Probirbio 5:19

Say asawam et magana tan balibaliy kagagawa to a singa ulsa. Panliketen ka komun na ganggana to; nalingbus ka komun na aro to.

Say Libro nen Job 36:18

Manalwar ka ompan napalikdo ka na pasoksok, odino nibalang ka na kayamanan.

Jeremias 22:18

Kanyan sirin, say Katawan kuanto nipaakar ed lakin anak nen Josias a si Joakim ya ari na Juda, “Anggapoy manermen ed ipatey to, odino mangikuan, ‘Agayla agik! Agayla! O pinablik ya ari!’ Anggapoy onakis ed sikato, odino oneyag, ‘Katawan ko! O kagalang kon arik!’

Say Libro nen Job 23:2

“Manriklamo ak ni sumpad Dios; ag ko nitepel so ag manngesnges lapud pamapairap tod siak.

Ezekiel 24:15

Say Katawan akisalitad siak.

Levitico 21:4

Ag to nepeg a dotakan so sikaton dili diad ipatey na kanayon tod asawa.