Ezekiel 23:9 - Maung A Balita Biblia

⁹ Kanyan impalimak ed saray taga Asiria kainarowan to a mapalaloy panlabay tod sikara.

Maung a Balita Biblia

⁹ Kanyan impalimak ed saray taga Asiria kainarowan to a mapalaloy panlabay tod sikara.

Ezekiel 23:9 Referans Kwoze

Oseas 11:5

“Ag da labay so ompawil ed siak, kanyan nepeg ya ompawil irad Egipto tan manoley ed sikara so Asiria.

2 Saray Arari 17:23

ya anggad pinataynan na Katawan irad arap to onung na sinalita to diad panamegley na saray aripen ton propita. Kanyan niakar ya adakep ed Asiria iray Israelita, a dimay panaayaman da ni ya anggad natan.

2 Saray Arari 15:29

Legan na panaari nen Pekas, si Tiglat-pileser ya impirador na Asiria adakep to ray siudad na Ijon, Abel-bet-maaca, Janoa, Kedes, Hazor, Galaad, Galilea, tan Neftali; dinakep to ray totoon manaayam ed sarayan siudad, insan inawit to ran priso ed Asiria.

Puyan 17:16

Saramay samploran saklur ya anengneng mo tan samay ayep bosulen da may marotak a bii. Alaen da ray amin a walad sikato, tan taynan dan anggapoy akasolung ed laman to. Buagen day laman to, insan da poolay nakeraan.

1 Saray Awaran 5:26

Kanyan pinaloob na Dios si Impirador Pul na Asiria (tatawagen met na Tiglat-pileser) ed bansa ra. Pinataynan to ray tribu nen Ruben, Gad, tan say kapaldua na Manases, insan to ra imbaki ed Halah, Habor, Hara, tan diad abay na Ilog na Gozan, ta diman lay panayaman da.

Jeremias 4:30

Jerusalem, pangaskasiyan ka! Akin et akakawes kay ambalbalanga? Akin et manaalahas ka tan akapinta na pampaganggana iray matam? Andi-kakanaan lay pampapagangganam! Impolisay ka la na saray kainarowan mo tan labay da kan pateyen.

Ezekiel 16:37

Lapud saya, pantitiponen kon amin iray kainarowan mo nen saman—saramay labalabay mo tan saramay kabosul mo. Paliktub ta ka ed sikara, insan ko ekaley kawes mo tan ipanengneng kod sikaray inkalakseb-labus mo.

Ezekiel 23:18

Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.

Ezekiel 23:22

“Natan sirin, Aholiba, sikato yay ibabagak ed sika, siak a Katawan a Dios: Sinmawa ka ed saraman a kainarowan mo, balet papetangen koy olo ra ed sika tan awiten ko ra ya onlakob ed sika.

Jeremias 3:8

Anengneng met na Juda ya insian koy Israel tan pinataynan ko, lapud inkaindan to ak tan nagmaliw a marotak a bii. Balet ag tinmakot so Juda ya aliwan matoor a biin agi na Israel. Nagmaliw met a marotak a bii,