Ezekiel 23:45 - Maung A Balita Biblia

⁴⁵ Saray matonung a lalaki et sintinsiaan da ra yan bibii a nankasalanan iray panagkaloguran tan panagpatey, lapud akikaloguran ira tan amaterter iray dala.”

Maung a Balita Biblia

⁴⁵ Saray matonung a lalaki et sintinsiaan da ra yan bibii a nankasalanan iray panagkaloguran tan panagpatey, lapud akikaloguran ira tan amaterter iray dala.

Ezekiel 23:45 Referans Kwoze

Oseas 6:5

Sikato yay makasengeg ya imbakik ed sikayo ray propitak a mangibawag ed sikayo na sintinsia tan say deral. Say malinew a labay kod sikayo et saraya:

Levitico 20:10

No say sakey a too et mikaloguran ed asawa na kapara ton Israelita, sikato tan say biin akikaloguranan to et nepeg iran pateyen.

Zacarias 1:6

Diad panamegley na saray aripen kon propita inter kod sikara iray ganggan ko tan pinasakbayan ko ra, balet ag da ra inngalngalep kanyan adusa ra. Insan nagbabawi ra tan binirbir da a siak a Katawan a Makapanyarin-amin et dinusak ira onung na kanepegan da tan onung na ginetmak la.’”

Levitico 21:9

No say anak na pari et magmaliw a marotak a bii, ipelag tod kababaingan so ama to; sayan anak nepeg a poolan ya anggad ag to ipatey.

Ezekiel 22:3

Ibagam ed siudad so ibabagak, siak a Katawan a Dios: Lapud pinapatey mo ray amayamay a totoom tan dinotakan moy sikan dili diad impangigagalang mod saray talintaoy diriyos, onsasabi lay panaon mo.

Ezekiel 23:24

Manlapud baybay dogpaan da ka a sankaawit da ray amayamay a sondalon akakarwahi na para bakal tan saray arum akalogan irad kariton a pananginay abasto. Diad ilakob dad sika akasamper tan akahilmit ira. Ipalima ta kad sikara tan sintinsiaan da ka onung ed saray ganggan da.

Ezekiel 23:44

Pinawil-pawil da ra yan bibiin marotak. Pinmawil ira ed kindi Ahola tan Aholiba, saray bibiin mankakasalanay immoralidad.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

2 Saray Arari 21:16

Pinatey nen Manases iray amayamay a totoon anggapoy kasalanan, kanyan adelap na dala so daladalan na Jerusalem; sayan ginagawa to et kaaruman na samay impangilagyat ton angigalang ed saray talintao iray totood Juda, kanyan impankasalanan to rad Katawan.

Jeremias 2:34

Say kawes yo atalaksikan na dala na saray totoon mairap-bilay tan anggapoy kasalanan, aliwan say dala na saray totoon linmoob a mantakew ed abung yo. “Balet anggaman onya ray ginagawam,

Saray Tagleey 4:14

Singa bulag a nanakar-akar ed dalan iray pangulo to, naames iray dala, kanyan anggapoy malabay a maniwit ed sikara.

Ezekiel 24:7

Walay impanpapatey na too ed siudad, balet aliwan diad dalin so akaibungan na dala a komun natabunan na dabuk; dia ingen ed tapew na baton-dampay so akaibungan to.