Ezekiel 23:42 - Maung A Balita Biblia

⁴² Sankarengel so tanul na olup na karaklan a magologolo, sakey ya olup na lalakin niyakar a nanlapu rad kalawakan. Insolung dad saray taklay da ra may bibii iray pulsiras tan intoon dad olo ra iray marakep a korona.

Maung a Balita Biblia

⁴² Sankarengel so tanul na olup na karaklan a magologolo, sakey ya olup na lalakin niyakar a nanlapu rad kalawakan. Insolung dad saray taklay da ra may bibii iray pulsiras tan intoon dad olo ra iray marakep a korona.

Ezekiel 23:42 Referans Kwoze

Puyan 12:3

Sakey nin sinyal so linmetaw ed tawen: sakey ya ambalanga tan balbaleg a dragon. Pitoray olo to, samploray saklur to, tan walay korona na balang olo to.

Joel 3:8

Abuloyan kon nilakod saray totood Juda iray anak yon lalaki tan bibii; ilako da ra ed saray totood Saba, ya arawdawin pasen. Siak, say Katawan, so nansalita.

Oseas 13:6

Balet nen akaloob kayod marakep a dalin, nampepesel kayo tan nampepenek kayo, insan kayo nagmaliw a mapaatagey tan alingwanan yo ak.

Say Libro nen Job 1:15

nen biglan dinmogpa iray Sabeo tan tinakew da ran amin. Pinatey day amin ya aripen mo likud labat ed siak. Siak labat so akabatik kanyan wadya ak a mangibalitad sika.”

Exodo 32:6

Diad kabkabwasan angyakar ira na pigaran ayep ya isaklang dan bagat a popoolan tan bagat a para kareenan. Nandorongon nampista iray totoo, tan say pista et agawa ya inoman tan liketan na laman.

Genesis 24:30

anengneng to may singsing a para eleng tan saramay pulsiras ed saray taklay na agi to, tan nadngel toy agi ton angibaga na saray sinalita na samay aripen. Nila to may aripen a manalalagey ed abay na saray kamilyo to diad gilig na bobun.

Saray Salmo 73:12

Ontan iray totoon maoges. Anta daakan lay walad sikara, mandakel lan mandakel niy kayaryan da.

Jeremias 51:7

Nen saman, say Babilonia et singa balituk a kupa a walad limak, tan buebueken koy intiron mundo. Ininom na saray bansa so alak to, kanyan nakalan iray kalakal.

Ezekiel 16:49

Say Sodoma tan saray anak ton bibii et mapasirayew ira lapud daakan so tagano ra nen saman tan nambibilay iran mareen, balet ag da inaasikaso iray mairap-bilay tan saray walad pankaukolan.

Ezekiel 27:22

Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.