Ezekiel 23:24 - Maung A Balita Biblia

²⁴ Manlapud baybay dogpaan da ka a sankaawit da ray amayamay a sondalon akakarwahi na para bakal tan saray arum akalogan irad kariton a pananginay abasto. Diad ilakob dad sika akasamper tan akahilmit ira. Ipalima ta kad sikara tan sintinsiaan da ka onung ed saray ganggan da.

Maung a Balita Biblia

²⁴ Manlapud baybay dogpaan da ka a sankaawit da ray amayamay a sondalon akakarwahi na para bakal tan saray arum akalogan irad kariton a pananginay abasto. Diad ilakob dad sika akasamper tan akahilmit ira. Ipalima ta kad sikara tan sintinsiaan da ka onung ed saray ganggan da.

Ezekiel 23:24 Referans Kwoze

Ezekiel 26:10

Kobutan ka na makapal a dabuk ya ontikyab diad pankuyat na saray kabayo ra. Diad tanul na saray kabayon mamibira na saray karwahi tan saray kariton, nagalaw iray padir mo legan dan ondadalan ed saray puirta na aderal-deral a siudad.

Ezekiel 23:45

Saray matonung a lalaki et sintinsiaan da ra yan bibii a nankasalanan iray panagkaloguran tan panagpatey, lapud akikaloguran ira tan amaterter iray dala.”

Ezekiel 16:38

Dusaen ta ka lapud pikakaloguran mo tan lapud panagpatey moy too, tan diad mapalalon pasnuk ko dusaen ta ka na patey.

Jeremias 47:3

Narengel da ray kutdang na saray kabayo, say pampanaspas na saray karwahi, say tanul na pantetlek da ray dalig. Ag la pawilen na saray ama iray anak da; laoylaoy iray taklay da.

2 Samuel 24:14

Inmebat si David, “Makapasinagem so kipapasen ko! Balet ag ko labay a dusaen ak na too. Say Katawan so labay kon manusad sikami, ta mapangapangasi.”

Ezekiel 21:23

Ag ya sisiaen na saray totood Jerusalem, lapud saray paknaan a ginawa ra. Balet sayan pasakbay et mangipanunot ed sikara na saray kasalanan da tan pasakbayan to ran nadakep ira.

Ezekiel 26:7

Say Katawan a Dios kuanto, “Iyakar kon ondogpad Tiro so sankatalonggaringan ed amin ya ari—si Ari Nabucodonosor na Babilonia. Sikatoy manlapud baybay a kaiba to ray amayamay a sondalon wala ray kabayo ra tan saray karwahin para bakal; kaiba to met iray managkabayod para bakal.

Jeremias 52:9

Niakar si Sedekias ed kinen Ari Nabucodonosor a walad siudad na Ribla a nasasakopay Hamat, tan diman sinintinsiaan nen Nabucodonosor.

Jeremias 52:11

Insan to impasokit iray mata nen Sedekias tan impagolunggolungan to tan impaiyakar tod Babilonia. Nansiansian priso ed Babilonia si Sedekias ya anggad impatey to.