Ezekiel 23:23 - Maung A Balita Biblia

²³ Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.

Maung a Balita Biblia

²³ Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.

Ezekiel 23:23 Referans Kwoze

Jeremias 50:21

Say Katawan kuantod Ciro, “Dogpaan mo ray taga Merataim tan Pecod. Patey mo ra tan deral mo ra. Sumpal mon amin iray ingganggan kod sika. Siak, say Katawan, so nansalita.

2 Saray Arari 24:2

Say Katawan angibaki na saray olup na saray sondalon taga Babilonia, Siria, Moab, tan Ammon, ta labanan day Joakim tan deralen day Juda, onung na gawaen na Katawan ya imbaga to diad panamegley na saray aripen ton propita.

Ezekiel 23:12

Mapalalo met so impikaloguran tod saray taga Asiria a pangulo tan opisyal—saray sondalon mankirlap so nampaparan kawes da—tan diad saray opisyal a managkabayo rad para bakal, amin da ray guapon babalolaki.

Ezekiel 23:6

Sondalo ran nampaparay kawes dan purpura, pangulo ran totoo tan atagey iran opisyal; guapo ran amin ya opisyal a managkabayo rad para bakal.

Isaias 23:13

Saray taga Babilonia, aliwan saray taga Asiria, so angibolus ed saray ayayep ed katakelan a nandederal ed Tiro. Saray taga Babilonia so angipaalagey na saray torin panaglakob ed siudad na Tiro, inggegeba ray padir to, tan tinaynan dan aderal-deral).

Say Libro nen Job 1:17

Mansasalita ni nen sinmabi so sakey nin aripen tan kuanto, “Dinogpaan kami na taloran grupo na saray Caldeo, imbatik da ray kamilyom. Pinatey day amin ya aripen mo likud labat ed siak. Siak labat so akabatik, kanyan wadya ak a mangibalitad sika.”

Esdras 6:22

Pitoy agew a sigput so liket dan nansilibra ed Pistay Tinapay ya Anggapoy Libadura. Malikeliket ira lapud ginawa na Katawan so Impirador na Asiria a maabig so linawa tod sikara, kanyan initdan to ra na ginastos dad impangipaalagey da lamet ed Timplo na Dios na Israel.

Genesis 25:18

Saray kabyangay boleg nen Ismael nanayam irad pasen a nanleetay Havila tan Sur, diad bokig na Egipto tan mamaarap ed Asiria. Nanayam iran akabiig ed saray arum a kabyangay boleg nen Abraham.

Genesis 2:14

Tigris so ngaran na kumatlon ilog; onaagos ed bandad bokig na Asiria, tan Eufrates so ngaran na kumapat ya ilog.

Saray Gawgawa 7:4

Kanyan tinaynan nen Abraham so dalin da ray Caldeo, insan linman nanayam ed Haran. Kapatey na ama to, say Dios pinaonla tod sayan pasen a panaayaman yo natan.

Ezekiel 23:14

“Linmereg lan linmereg ed inkaimmoralidad to. Naayat ed saray imahin na saray manonan opisyal a taga ra Babilonia, a nikorti rad padir tan apintaan ira na ambalbalanga, abaliberan na marakep ya abel iray awak da tan walay konwarin turban ed kaolowan da.

Ezekiel 23:22

“Natan sirin, Aholiba, sikato yay ibabagak ed sika, siak a Katawan a Dios: Sinmawa ka ed saraman a kainarowan mo, balet papetangen koy olo ra ed sika tan awiten ko ra ya onlakob ed sika.

Ezekiel 16:1

Say Katawan akisalitad siak lamet.