Ezekiel 23:18 - Maung A Balita Biblia

¹⁸ Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.

Maung a Balita Biblia

¹⁸ Impanengneng toy sikaton dili a labus-lakseb, tan impaamta tod karaklan a sikatoy marotak a bii. Akapasnuk ak ed sikato a singa impakapasnuk kod atsi to.

Ezekiel 23:18 Referans Kwoze

Jeremias 12:8

Saray totoon pinilik sinumpa da ak; singa ra lion ed katakelan nangwam irad siak, kanyan kabosul ko ra.

Saray Salmo 106:40

Kanyan amasnuk so Katawan ed saray totoo to; naingungotan ed sikara.

Saray Salmo 78:59

Say Dios akapasnuk nen anengneng to ya, kanyan impolisay ton sigput iray totoo to.

Ezekiel 21:24

Sikato ya sirin so ibabagak, siak a Katawan a Dios: Niparontal iray kasalanan yo. Amta na balang sakey a nankasalanan kayo. Ipapanengneng yo ray kasalanan yo diad panamegley na amin a gagawaen yo. Asintinsiaan kayo lan nadusa, tan iyawat ta kayod saray kalaban yo.

Jeremias 8:12

Totook, ambaing kayo kasi lapud ginagawa yo ra yan makapaingungot a bengatla? Andi! Anggapon balut so baing yo; ag anggan ombabalangay lupa yo! Kanyan natumba kayo a singa impakatumbay arum; no dusaen ta kayo, samput yo la. Siak, say Katawan, so nansalita.

Jeremias 6:8

Totood Jerusalem, ipasen yon pasakbay ed sikayo ira yan gunigon, et no ag kayo ondengel ikaindan ta kayo; gawaen kon kabueran so siudad yo, sakey a pasen ya anggapoy malabay a manayam.”

Zacarias 11:8

Ag ak akaanos ed saray taloran kaparak a pumapastol ya amosul ed siak, kanyan pinagit ko ra ed loob na sakey bulan.

Amos 6:8

Say Katawan a Dios a Makapanyarin-amin et masimoon ton inter yan pasakbay: “Kabosul koy panagpaatagey da ray totood Israel; kagulak iray ankakabaleg a kaabungan da. Ipalimak ed saray kalaban so manonan siudad da tan amin a bengatlan logan to.”

Amos 5:21

Say Katawan kuanto, “Kabosul ko ray pista yo; ag ak manliket ed sikara!

Oseas 7:1

“Kapag labay ko lan paabigen iray totood Israel tan pagmaliwen ko la ra lamet a maaligwas, say kaogsan tan say karotakan labat so sankanengneng kon gagawaen da. Mansasaolan so sakey tan sakey ed sikara; onloloob iran mantakew ed saray abung; sasabaten dan takewan ed dalan iray totoo.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Ezekiel 16:36

“Nanlakseb ka tan, singa sakey a marotak a bii, inter moy sikan dili ed saray kainarowan mo tan diad saray amin a makapaingungot a talintaom, tan pinapatey mon imbabagat ed saray talintaoy diriyos iray anak mo.

Saray Tagleey 2:7

Impolisay na Katawan so altar to tan say masanton Timplo to; Inabuloyan ton igeba na saray kalaban iray padir to. Diad pasen a maliket min angigagalangan nen saman, inmeeyag ira lapud impanalo.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Isaias 3:9

Nisingil ed sikara so panaglabi ra. Maparontal iran mankakasalanan a singa impankasalanan na saray totood Sodoma. Pangaskasiyan ira. Sikara met ni lamlamang so nanlapwan na pakadusa ra.

Deuteronomio 32:19

“Nen anengneng na Katawan yan ginawa ra, akapasnuk tan impolisay to ray anak ton lalaki tan bibii.

Isaias 57:8

Ililira yod saray beneg na kaput yo iray mabanbanday a talintao yo. Ikakaindan yo ak; manlalabus-lakseb kayo, insan kayo onsasapat ed saray ankakabaleg a katri yo a kaiba yo ray kainarowan yon uupaan yo tan diman yo ra aakdulan. Diman yo pepeneken so kaliktan na laman yo.

Ezekiel 23:9

Kanyan impalimak ed saray taga Asiria kainarowan to a mapalaloy panlabay tod sikara.

Ezekiel 23:10

Nilakseban tan nilabusan da, sinisingkat da ray anak ton lalaki tan bibii, insan da pinatey ed ispada. Amin da ray bibii ed inerman a pasen et tinatalabutob day inkagawa ed sikato.

Ezekiel 23:19

Inkaloor toy inkamarotak ton bii, ginagawa toy singa ginagawa to nen malangwer ni, nen sikatoy marotak a bii diad Egipto.