Ezekiel 23:14 - Maung A Balita Biblia

^14-15 “Linmereg lan linmereg ed inkaimmoralidad to. Naayat ed saray imahin na saray manonan opisyal a taga ra Babilonia, a nikorti rad padir tan apintaan ira na ambalbalanga, abaliberan na marakep ya abel iray awak da tan walay konwarin turban ed kaolowan da.

Maung a Balita Biblia

^14-15 Linmereg lan linmereg ed inkaimmoralidad to. Naayat ed saray imahin na saray manonan opisyal a taga ra Babilonia, a nikorti rad padir tan apintaan ira na ambalbalanga, abaliberan na marakep ya abel iray awak da tan walay konwarin turban ed kaolowan da.

Ezekiel 23:14 Referans Kwoze

Ezekiel 8:10

Kanyan linmoob ak tan ninmengneng ak. Nipintad padir iray oleg tan saray arum a marotak ya ayayep onung ed ganggan; nipinta met iray arum a bengatlan gagalangen na saray Israelita.

Jeremias 22:14

Pakaskasi so toon mangikuan, “Mamaalagey ak na baleg ya abung, a wala ray maawang a kuarto tod tagey.” Kanyan ininan to na saray bintana imay abung to, diningding to na tablan sidro, tan pinintaan to na ambalanga.

Ezekiel 16:29

Akikiakdul ka met ed saray taga Babilonia a nigosianti, balet siansian ag ka ni apenek ed sikara.”

Jeremias 50:2

“Ibagam ed saray bansa so balita! Ibawag mo! Iparontal moy tanda, tan ibandom so balita! Ag mo iyaamut! Naplag so Babilonia! Say dios ton Merodac et naplag ed kababaingan! Mabambanday so asumpalan da ray talintaoy diriyos na Babilonia; atemek-temek iray makapaingungot a talintao to.

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Ezekiel 23:13

Anengneng kon sigput so inkaimmoralidad to, a sikatoy maoges a singa si atsi to.

Ezekiel 23:23

Iyakar ko ra diay amin a taga Babilonia tan Caldea, saray lalakin taga Pecod, Soa, tan Koa tan amin a taga Asiria. Pantitiponen kon amin iray guapon mamalangwer a lalakin galgalangen tan opisyal, amin da ray manonan opisyal tan atagey a betang ya managkabayo rad para bakal.

Nahum 2:3

Sankaawit na saray kalaban ton sondalo iray ambalangan samper, tan akasolung iran amin na ambalanga. Mampaparaan iran ondogpa! Mankidyam a singa apoy iray karwahi ra! Mankitapbo iray kabayo ra!