Ezekiel 22:28 - Maung A Balita Biblia

²⁸ Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.

Maung a Balita Biblia

²⁸ Sasakuban na saray propita ira yan kasalanan a singa ra totoon managtapal na dena ed padir. Tila ray nanenengneng dan pasingayew tan aliwan tua ray ipapasakbay dan nagawa. Ibabaga ran ibabawag day salita na Katawan a Dios, balet siak a Katawan ag ak akisalitad sikara.

Ezekiel 22:28 Referans Kwoze

Sofonias 3:4

Anggapoy kalakal, managtraidor iray propita; dodotakan na saray papari so bangatlan masanto, tan pipikeweten day ganggan na Dios, pian naala ray labay da.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Ezekiel 21:29

Tila ray nanenengneng yon pasingayew, tan aliwan tua iray ipapasakbay yon nagawa. Maoges kayon totoo. Onsasabi lay agew na pakadusa yon siansia. Ondapo lan ontoruk ed pagew yo so ispada.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Jeremias 37:19

Antoy asumpalan da ray propitan angibagad sika a say ari na Babilonia et ag to ka dogpaan odino sayan bansa?

Jeremias 28:15

Insan inkuankod kinen Ananias, “Dengel ka, Ananias! Ag ka imbaki na Katawan, tan gagawaen mon manisiad tila ira yan totoo.

Jeremias 28:2

a say Katawan a Makapanyarin-amin, say Dios na Israel, et inkuanto, “Dineral koy pakayari na ari na Babilonia.

Jeremias 23:21

Say Katawan inkuanto, “Ag ko imbaki ira yan propita, balet linma ran siansia. Nampropisiya ra ed ngaran ko anggaman ya anggapoy sinalitak ed sikara.

Isaias 30:10

Ibabaga rad saray propita a mandeen ira. Kuanda, “Ag yo sasalitaen ed sikamiy nipaakar ed kaptekan. Ibaga yod sikamiy labay min dengelen. Pansiasia yod sikami ray balibali ran kogip.

Ezekiel 13:2

Inkuanto, “Sika a toon ompatey, mampropisiya ka sumpad saray propita na Israel a gagawaen dan dili iray propisiya ra. Ibagam ed sikara ya ondengel irad saray salita na Katawan.”

Isaias 28:15

Ipapanta yo ya akisipanan kayo ed patey tan akipaknaan kayod pasen a panaayaman da ray inaatey. Ag yo panduaduarowaan a napaliisan yoy deral no onsabi, lapud manmamatalek kayo ya iyagel kayo na saray tila tan saray palikdo.