Ezekiel 22:27 - Maung A Balita Biblia

²⁷ Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Maung a Balita Biblia

²⁷ Saray pangulo na gobirno et singa ra saray asod katakelan a mambibingkas na pinatey dan ayayep. Mampapatey ira na totoo, pian onyaman ira.

Ezekiel 22:27 Referans Kwoze

Ezekiel 22:13

“Natan, dusaen ta ka lapud panagtakew mo tan say panagpatey mo na saray totoo.

Ezekiel 22:6

Amin da ray pangulo na Israel et manmamatalek irad dilin biskeg da tan mampapatey iray totoo.

Isaias 1:23

Mananumpa iray pangulom tan kakaiba ra na saray matakew; labalabay day mangawat lan mangawat na rigalo tan saray pasoksok. Balet ag da iyaalagey ed korti iray olila, odino onderengel ed pankatonungan na saray balo.

Mateo 21:13

Insan inkuantod sikara, “Nabasad Masanton Sulat a say Dios inkuanto: ‘Say abung ko natawag ya abung a panagpikasiyan.’ Balet ginawa yon ayaman da ray matatakew!”

Sofonias 3:3

Singa mangwam a lion iray opisyal to; singa narasan ya asod katakelan iray huis to, a diad gaway inkaagom to et ag to nataynan ya anggad kabwasan so pokel.

Mikias 7:8

Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.

Ezekiel 45:9

Say Katawan a Dios kuanto, “Abayag lay pankakasalanan yo, sikayon manoley na Israel! Tondaan yo lay inkaruksa tan say panagpairap yo. Say kaptekan tan katonungan la so gawaen yo. Ag yo la nepeg a pataynanen lamet iray totoo ed dalin da. Siak a Katawan a Dios so mangibabaga yad sikayo.

Ezekiel 22:25

Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Mateo 7:15

“Manalwar kayod saray tila-tilan propita. Omparontal irad sikayo a singa ra karniro balet, diad tuay tua, singa ra asod katakelan.

Saray Gawgawa 20:29

Amtak a no kasiput ko, ondago rad sikayoy masesebeg ya asod katakelan tan anggapoy panangasiy panderal dad saray karniro.

Jeremias 5:6

Lapud saya pateyen ira na saray lion a manlapud takel; bingbingkasen ira na saray asod katakelan a manlapud kalawakan; onloob ed saray baley da iray liopardo. Siopaman ed sikara so ompaway nabingbingkas ta amayamay lay kasalanan da, tan amimpiga-piga la ran inmaarawi ed Dios.

Jeremias 41:7

Kaloob dad siudad, pinatey ira nen Ismael tan saray totoo to, insan da impepelag ed bobun iray bangkay da.

Ezekiel 22:3

Ibagam ed siudad so ibabagak, siak a Katawan a Dios: Lapud pinapatey mo ray amayamay a totoom tan dinotakan moy sikan dili diad impangigagalang mod saray talintaoy diriyos, onsasabi lay panaon mo.

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Ezekiel 34:3

Iinomen yoy gatas, isosolung yo ray lanan abel, papatasen tan kakanen yo ray sankaabigan a karniro. Balet ag yon balut ipapastol iray karniro.

Ezekiel 36:12

Papawilen ta kayo, sikayon totook ya Israelita, a manayam lamet ed dalin yo. Magmaliw a dilin dalin yo, tan ag to lan balut paerasen iray anak yo.

Ezekiel 45:8

Sayan pasen ed dalin na Israel et betang na manoley a prinsipi, pian ag to la pairapen iray totoo, no ag ingen abuloyan ton say arum a parti na bansa et kayaryan na saray tribu na Israel.

Ezekiel 46:18

Say manoley a prinsipi et ag nepeg ya alaen tod saray totoo so antokaman a kayaryan da. Say dinan man a dalin ya iter tod saray anak ton lalaki et nepeg a manlapud dalin a nipabetang ed sikato, pian ag to napairap so siopaman ed saray totook diad pangala tod dalin.”

Habacuc 2:9

Pakaskasi kayo la! Pinapayaman yo ray pamilya yo lapud saray impansasamsam yod saray ag yo kayaryan, tan impagmaliw yon arawid sulit tan kaatapan iray kaabungan yo.

2 Saray Awaran 36:14

Ontan met, saray pangulo na Juda, saray papari, tan saray karaklan et ag da tinoor so Dios, ta inalig da ray kaogsan da ray bansan walad kaliber-liber da diad impangigalang dad saray talintaoy diriyos. Diad onya, dinotakan day Timplo a pinasanto na Katawan.

Probirbio 17:23

Saray maoges a huis mangaawat ira na maamut a pasoksok; napikewet ed satan so inkatonung.

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Saray Gawgawa 24:9

Akikasakey ira may Judio ed kinen Tertulo, tan pinaneknekan dan tua ya amin so imbaga to.