Ezekiel 22:25 - Maung A Balita Biblia

²⁵ Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Maung a Balita Biblia

²⁵ Saray pangulo et singa ra saray lion a mangwam diad impakapatey da na saray ayayep. Papateyen da ray totoo, aalaen da ray amin a naala ran kuarta tan kayaryan tan lapud saray panagpatey da, amayamay iray abalo.

Ezekiel 22:25 Referans Kwoze

Oseas 6:9

Singa olup na saray matakew a mananeb na sakey a too iray papari. Mamapatey ira na too anggan diad dalan a mamaarap ed masanton pasen na Sikem. Gagagalaen da so panggagawa rad sayan kaogsan!

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Jeremias 11:9

Insan inkuan ni na Katawan ed siak, “Onlalaban ed siak iray totood Juda tan saray taga Jerusalem.

Jeremias 2:34

Say kawes yo atalaksikan na dala na saray totoon mairap-bilay tan anggapoy kasalanan, aliwan say dala na saray totoon linmoob a mantakew ed abung yo. “Balet anggaman onya ray ginagawam,

Puyan 18:13

saray kanila, rikado, insinso, mira, tan pabalingit; saray alak tan larak, arina tan trigo, saray baka tan karniro, kabayo tan karwahi, saray aripen, tan pati say bilay na too.

Puyan 17:6

Anengneng kon samay bii abuek na dala da ray totooy Dios tan saray pinapatey lapud matoor irad kinen Jesus. Mankelaw ak a maung nen anengneng ko may bii.

Puyan 13:15

Naabuloyan may kumadwan ayep ya itdan toy linawa may talintaoy onaan ya ayep, pian makapansalita may talintao tan napapatey toy amin ya ag mangigagalang ed sikato.

Puyan 13:11

Insan anengneng kon pinmaway a nanlapud dalin so sakey nin ayep. Duaray saklur to a singa saklur na kilaw a karniro, balet say bosis to singa bosis na dragon.

Lucas 20:47

Kakatkatan da ray balon bibii, insan mampikasi ray andorokey a panisimula rad gagawaen da. Lalon ombelat so dusa ra!”

Marcos 12:40

Kakatkatan da ray balon bibii, insan andorokey so pampikasi ra a pandisimula rad gagawaen da. Lalon ambelat so dusa ra!”

Mateo 23:13

“Pakaskasi ki la, sikayon iskriba tan sikayon Pariseo! Mansimpisimpitan a totoo! Ikakaput yoy puirtay Panarian na tawen pian ag makaloob iray totoo. Anta ag yo la labay so onloob ed Panariay tawen, pibabali yo nin sesebelan iray totoon malabay!

Saray Tagleey 4:13

Balet onyay agawa lapud nankasalanan iray propita to tan saray papari to, ta sikaray makasengeg na impatey na saray anggapoy kasalanan a totoo.

Saray Tagleey 2:14

Tila ya amin iray imbagad sika na saray propitam; Apalingo ka na panagpulong da, ta ag dan balut imbawag so kasalanan mo. Impasisia rad sika ya ag mo nakaukolay magbabawi.

Jeremias 15:8

Ginawak a dakel nen saray buer ed gilig na dayat iray bibiin balo a kadalaan yo. Pinatey ko ray anak yo nen kabisbiskegan da; impanliknak na kairapan iray kainaan da. Bengatbengat ko ran pinaermen tan pinatakot.

Jeremias 6:13

Balang sakey, atagey may abeba so kipapasen, mansasaol ed panaanap toy kuarta; anggan saray propita tan saray papari et sasaolen da ray totoo.

Jeremias 2:30

Dinusa ta kayo, balet anggapoy angomanan yo; ag yo inabuloyan a peteken ta kayo. Singa kayo masebeg a lion ya amatey ed saray propita yo.

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

1 Saray Arari 22:23

Inkuanen Micaya ed kaonuran, “Saya sirin so agawa. Impantila na Katawan ed sika ra yan propitam. Balet imbaga la na Katawan ed sika so kaogsan a nagawad sika.”

Jeremias 18:21

Balet natan, Katawan, gawam pan ompatey ed eras iray anak da; ipapatey mo pa rad bakal. Iyabuloy mo pan nabalo ray bibii tan naandid mundo ray anak da; gawam pan ompatey ed salot iray lalaki, tan diad bakal iray lalakin walad kalangweran.

Ezekiel 13:2

Inkuanto, “Sika a toon ompatey, mampropisiya ka sumpad saray propita na Israel a gagawaen dan dili iray propisiya ra. Ibagam ed sikara ya ondengel irad saray salita na Katawan.”

Ezekiel 22:7

Anggapoy toon walad siudad a mangigagalang ed saray ateng to. Sasaolen mo ray sangkaili tan papairapen mo ray balo tan saray olila.

Ezekiel 34:2

Inkuanto, “Sika a toon ompatey, mansalita ka na sumpa ed saray manoley ed Israel. Mampropisiya kad sikara tan ibagam ed sikara so ibabagak, siak a Katawan a Dios: Asintinsiaan kayo lan nadusa, sikayon pumapastol ed Israel! Aasikasoen yoy sikayon dili, balet ag yon balut ipapastol iray karniro.

Ezekiel 34:3

Iinomen yoy gatas, isosolung yo ray lanan abel, papatasen tan kakanen yo ray sankaabigan a karniro. Balet ag yon balut ipapastol iray karniro.

Jeremias 23:14

Balet lalon maoges so anengneng kon gagawaen na saray propitad Jerusalem: mikakaloguran ira tan mantitila ra; tutulongan dan manggawa na makapoy iray totoo, kanyan anggapoy ontondan manggaway kaogsan. Para say siak, singa ra Sodoma; say kaogsan da singa kaogsan na saray totood Gomorra.