Ezekiel 22:14 - Maung A Balita Biblia

¹⁴ Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Maung a Balita Biblia

¹⁴ Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Ezekiel 22:14 Referans Kwoze

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Ezekiel 17:24

Amin a kiew ed dalin naamtaan da a siak so Katawan. Babatangen ko ray atagey a kakiewan, tan pababalegen ko ray melag kiew. Lelenesen ko ray malambut a kiew tan palalambuten ko ray amagan kiew. Siak a Katawan so nansalita. Gawaen ko so sinalitak.”

Ezekiel 24:14

Siak a Katawan so nansalita. Sinmabiy oras a siak so onggalaw. Ag ko palabasen iray kasalanan mo odino kasian odino abageyen ta ka. Nadusa ka lapud saray ginagawam.” Say Katawan a Dios so nansalita.

Saray Hebreo 10:31

Makapataktakot so napelag ed limay Dios a mabilay!

1 CORINTO 10:22

Labay tayo kasin pangimoney Katawan? Mabiskeg itayo ta nen say sikato?

Marcos 13:31

Naandipat so tawen tan dalin, balet ag balut naandipat iray salitak.”

Ezekiel 28:9

No laen da kan pateyen, nibagam nin sakey ka a dios? No miarapan kad saray mamatey ed sika, sakey ka a toon ompatey, aliwan Dios met lamlamang.

Jeremias 13:21

Antoy ibagam no saray totoon abaloan mon kakaarom et dakepen tan oleyan da ka? Manirap kan singa biin manaanak.

Isaias 45:9

Makasopyat kasiy banga ed nanggawad sikato, say banga ya iyaliling to ray arum? Nayari kasin tepeten na banga no antoy gagawaen na dumadamilid sikato? Nayari kasin manriklamoy banga ya aliwan marunong so nanggawad sikato?

Isaias 31:3

Aliwan Dios iray taga Egipto—totoo ra labat. Aliwan makapanyari iray kabayo ra. No onggalaw so Katawan, natumba so mabiskeg a bansa tan say tinulongan ton makapoy a bansa. Naderal iran dua.

Say Libro nen Job 40:9

Mabiskeg ka nen say siak? Ondadalagorug so bosis mo a singa bosis ko?

1 Samuel 15:29

Say mapagalang a Dios na Israel et ag mantila o mangoman na kanunotan. Aliwan too a mangoman na kanonutan.”

Ezekiel 5:13

“Nalikna yod satan so biskeg na pasnuk tan sanuk kod sikayo ya anggad siak so napenek. No nagawa ra yan amin, manisia ki la a siak a Katawan so nansalita lapud ampetang so olok ed inkalamang yod siak.

Ezekiel 7:17

Onkapoy so lima ran amin tan ompayegpeg so pueg da.

Ezekiel 36:36

Diad satan saray siudad ed kaliber-liber ya ag aderal et naamtaan da a siak a Katawan so amasimbalon amaalagey ed saray aderal-deral a siudad tan amatanem ed saray apaolyan a kaalogan. Siak a Katawan so angisipan a gawaen koy onya—et tuan gawaen ko.”

Joel 2:11

Say Katawan iyeeyag ton singa karul so ganggan tod saray sondalo to. Amayamay iray sondalo ton onoonur ed sikato tan makapanyari ra. Makapataktakot a tuloy so agew na Katawan! Siopay makapaliis ed patey no onsabi yan agew?

Malakias 3:2

Balet siopay makapangitepel na agew na isabi to? Siopay nabilay no sikatoy ompanengneng? Sikatoy singa mabayanin sabon, singa apoy a manlinis ed mital.

Isaias 28:22

Ag yo eelekan so pasakbay ya iiter kod sikayo. No elekan yo lalon nairapan kayon ompaliis. Nadngel koy getma na Katawan a Makapanyarin-amin a deralen toy intiron bansa.

Ezekiel 6:10

Naamtaan da a siak so Katawan tan saray pasakbay ko et aliwan andi-kakanaan iran taktakot.”

Ezekiel 23:34

Inomen mo tan oputen moy karga to, nasugat so pagew mo diad panamegley na saray misimisi to. Siak a Katawan a Dios so nansalita.”