Ezekiel 22:10 - Maung A Balita Biblia

¹⁰ Wala ray miaakdul ed kaasawaan na ama ra. Saray arum papasooten dan piakdulan iray bibiin naliliberan.

Maung a Balita Biblia

¹⁰ Wala ray miaakdul ed kaasawaan na ama ra. Saray arum papasooten dan piakdulan iray bibiin naliliberan.

Ezekiel 22:10 Referans Kwoze

Levitico 18:19

Ag ka miaakdul ed biin naliliberan, ta marotak onung ed ganggan.

Ezekiel 18:6

Sayan too et ag mangigagalang ed saray talintaoy diriyos na saray Israelita odino mamangan na saray imbagat ed saray aliwan manepeg ya altar. Ag to pandadaleman na aro so asawa na kapara ton too odino miaakdul ed biin peles a naliliberan.

Levitico 20:11

Say lakin miakdul ed sakey ed saray asawa na ama to ipelag tod kababaingan so ama to, tan sikato tan say biin akiakdulan to et nepeg iran pateyen. Sikaran dili so makasengeg na ipatey da.

1 CORINTO 5:1

Nibabalitan walay inmoralidad a nagagawa ed sikayo, gawan sankabandayan a tuloy tan ag gagawaen na anggan saray Hintil. Nibabalitad siak ya iyaamung na sakey ed sikayo so asawan pidwa na ama to!

Amos 2:7

Igagatin da ray totoon makapkapoy tan pangaskasiyan ed kipapasen tan ipapaliis dad dalan iray mairap-bilay. Saray sanama et miaakdul irad saksakey a biin aripen, kanyan dodotakan da onung ed ganggan so masanton ngaran ko.

1 Saray Awaran 5:1

Sikara yay kabyangay tribu nen Ruben a pangulowan ed saray anak nen Israel. (Lapud inakdulan toy sakey ed saray bibiin inaamung nen ama to, naandid sikatoy kanepegan na pangulowan ya anak a laki; niiter yan kanepegan ed kinen Jose.

Deuteronomio 27:23

“‘Napelag komun so samba na Dios ed siopaman ya akdulan toy katolangan ton bii.’ “Insan onebat iray amin a totoo, ‘Amen!’

Deuteronomio 27:20

“‘Napelag komun so samba na Dios ed siopaman a mangipelag na ama to ed kababaingan diad pangakdul tod sakey ed saray asawa nen ama to.’ “Insan onebat iray amin a totoo, ‘Amen!’

Levitico 20:18

No say sakey a laki et miakdul ed biin naliliberan nepeg iran pataynan ed olupan da ray Israelita, lapud sinumpa ray totontonen nipaakar ed inkarotak onung ed ganggan.

Genesis 49:4

Singa ka mabiskeg a delap, Balet ag ka magmaliw a sankatalonggaringan, Lapud akiakdul kad inamung kon bii, Tan dinotakan moy dokulan na amam.

Genesis 35:22

Nen manaayam si Jacob ed saman a pasen, inakdulan nen Ruben si Bilha, sakey ed saray asawan inamung nen ama to. Nadngelan nen Jacob, et mapalaloy pasnuk to. Labinduan amin iray lalakin anak nen Jacob.

Levitico 18:6

Say Katawan inter to ray onggendan a totontonen. Ag kayo miaakdul ed siopaman ya asingger a kanayon yo. Siak so Katawan.