Ezekiel 21:9 - Maung A Balita Biblia

⁹ “Sika a toon ompatey, mampropisiya ka. Ibagam ed saray totoo so kuanko, siak a Katawan: Sakey ya ispada, sakey ya ispada so niyobul tan apasileng.

Maung a Balita Biblia

⁹ Sika a toon ompatey, mampropisiya ka. Ibagam ed saray totoo so kuanko, siak a Katawan: Sakey ya ispada, sakey ya ispada so niyobul tan apasileng.

Ezekiel 21:9 Referans Kwoze

Ezekiel 21:28

“Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: ‘Akaparaan lan maneral so sakey ya ispada; Apasileng a mamatey, onkidyam a singa kirmat.

Ezekiel 21:3

a siak a Katawan kuanko: Siak so kalaban yo. Oyusen koy ispadak tan pateyen ta kayon amin, matonung may maoges.

Amos 9:4

No nadakep ira na saray kalaban da, iganggan kon pateyen da ra. Ginetmak lan deralen, aliwan tulongan ira.”

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Jeremias 15:2

No tepeten dad sika no iner so laen da, ibagam ed sikara a nibagak la: Saray arum ompatey irad salot— diman so laen da! Saray arum ompatey irad bakal— diman so laen da! Saray arum ompatey irad eras— diman so laen da! Saray arum nadakep ira— diman so laen da!

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Isaias 66:16

Diad panamegley na apoy tan ispada dusaen to ray amin a totood mundo a narumog ton walay kasalanan—amayamay ed sikaray napatey.

Isaias 27:1

Diad satan ya agew ipakana na Katawan so makapanyari tan makapatey ya ispada to a panusa ed Libiatan, say mambalbalikerker tan mampoppotipot a dragon, tan pamatey ed dragon a manaayam ed dayat.

Say Libro nen Job 20:25

Ontalus ed laman to so sakey a pana; onterter ed masileng ya otuk na pana so dala to, tan nalemay so puso to ed takot.

Jeremias 46:4

Sintaan yo ray kabayo yo tan kabayoan yo ra! Mantatalontonan kayo, tan isolung yo ray hilmit yo! Patdeman yo ray pika yo! Mankawes ki lay para bakal!’

Ezekiel 21:8

Say Katawan kuantod siak,

Jeremias 47:7

Balet panoy pampainawa to, anta initdan koy gawaen ton kimey? Ingganggan kon dogpaan toy Ascalon tan saray totoon manaayam ed gilig na dayat.”

Ezekiel 21:4

Ikanak so ispadak sumpad balang sakey a too manlapud baybay ya anggad abalaten.