Ezekiel 21:7 - Maung A Balita Biblia

⁷ No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Maung a Balita Biblia

⁷ No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la. Say Katawan a Dios so nansalita.

Ezekiel 21:7 Referans Kwoze

Ezekiel 7:17

Onkapoy so lima ran amin tan ompayegpeg so pueg da.

Saray Hebreo 12:12

Kanyan itagey yo ray lima yon makolkolaney, tan pampetek yo ray pueg yon makapkapoy!

Nahum 2:10

Aderal la so Ninive, ataynan lan begtebegtew! Napoponaw ed takot iray kapusuan, mankalog iray pueg, naandi lay biskeg; mampotiy bosaleg iray kalupaan.

Ezekiel 7:26

Mantotombukan so deral, tan mansasbi so maoges a balita. Kerewen yod saray propita ya ipaamta ray nanenengneng dan nagawa ed arapen a panaon. Saray papari anggapoy amta ran ibangat ed saray totoo, tan saray mamasiken anggapoy nisimbawa ra.

Jeremias 50:43

Nererengel na ari na Babilonia so balita, tan alaylay iray taklay to. Mapalaloy paneermen to, tan paniirap to a singa sakey a biin mampapasakit.

Isaias 13:7

Nalaylay iray amin a taklay, tan ombetel so linawa na balang sakey a too.

Lucas 21:26

Patey-pateyan iray totood takot da diad panalagar dad kairapan ya onsabid sankamundoan, ta ag natombuk na saray pakayarid liwang so gendat a kinaoksuy da.

Ezekiel 24:19

Tinepet ed siak na saray totoo, “Akin et ontay gagawaen mo?”

Ezekiel 20:49

Balet inkuanko, “Katawan a Dios, ag mo pa ya pagagawa ed siak! Manririklamo lay balang sakey, lapud pansasalitak ed panamegley na saray alimbawa.”

Saray Tagleey 5:17

Ambelat so pagew mi lapud saya tan binmilonget so pakanengneng mi,

Jeremias 49:23

Sikato yay inkuan na Katawan nipaakar ed Damasco: “Natatakot tan mapagpaga iray taga siudad na Hamat tan Arfad lapud akadngel iray maoges a balita. Singa dayat ya ontatabun ed sikara so kapagaan, tan ag ira makapainawa.

Jeremias 8:18

Ag napaabig so kaermenan ko; walay sakit ko diad pusok.

Isaias 35:3

Itdan yo na biskeg iray naksawan a lima tan saray pueg a mankalog ed kapoy da.

Isaias 28:19

Ondalan lan ondalan ed sikayo so deral, kapag kabwasan. Nepeg yo yan liknaen ed agew tan labi. Mangiter na balon takot ed sikayo so kapag balon balita na Dios.

Isaias 7:2

Nen akabatan na ari na Juda a saray sondalo na Siria et akasabi la rad dalin na Israel, mapalaloy inkataktakot to tan saray amin a totoo to. Manggiwgiw ira tan singa ra kakiewan ya ipapalig na mabiskeg a dagem.

2 Saray Arari 21:12

Kanyan siak, say Dios na Israel, so mangyakar na ontan lan deral ed Jerusalem tan Juda, et onkelaw so balang sakey a makadngel ed agawa.

2 Samuel 17:10

Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

Josue 5:1

Amin da ray ari na Amorreo diad bokig na Jordan tan amin da ray ari a Cananeo diad gilig na Dayat na Mediteraneo nadngelan dan pinaekat na Katawan so Jordan anggad impakabaliw na saray totood Israel. Ataktakot ira tan nakalan iray biskeg na linawa lapud saray Israelita.

Deuteronomio 20:8

“Saray opisyal ikuanda met ni ed saray totoo, ‘Wala diad sikayo so apatalaw toy linawa to tan antakot? No wala, nepeg ya onsempet. Ta no ag onsempet, patalawen to met so linawa da ray arum.’

Levitico 26:36

“Pagmaliwen ta kayon mapalalon matakot, sikayon nibantak ed arum a bansa, kanyan anggan diad kalasakas labat na bolung ombatik ki la. Ombatik kayon singa oosilan ed bakal tan natumba kayo, anggan anggapoy kalaban ed abay yo.

Exodo 15:15

Ataktakot iray pangulo na Edom; manggiwgiw iray makapanyarin totoo na Moab; nakalan na biskeg na linawa iray Cananeo.

1 Pedro 4:7

Asingger lay anggaay amin a bengatla, kanyan nepeg a manadya tan mamparaan kayo, pian nayarian yoy mampikasi.

Josue 7:5

Inosilan ira na saray lalakin taga Ai manlapud puirta na siudad ya anggad saray pigaran panagalaan na tinabas a bato tan pinatey day sakey a talomplo tan anem ed sikara diad alusadsar na pokdul. Lapud saya nakalay biskeg na linawa iray Israelita tan ataktakot ira.

Saray Salmo 58:7

Naandipat ira komun a singa danum ya onaagos ed arawi; nagatin-gatinan tan namagaan ira komun a singa dikarikad basbas.

Ezekiel 21:6

“Sika a toon ompatey, mandageyem kan singa ombetag so pagew mod ermen. Dia kad pasen a bambantayan ka na amin a totoo no mandadageyem kad ermen.

Ezekiel 21:8

Say Katawan kuantod siak,

Ezekiel 21:15

Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Ezekiel 22:14

Abaloan mo wala niy nakdaan a biskeg na linawam odino wala niy biskeg mon mangitagey na limam no dusaen ta ka? Siak a Katawan so nansalita, tan totooren koy imbagak.

Daniel 5:6

Pinmotiy bosaleg to tan diad gaway inkataktakot to, mampayegpeg iray pueg to.

Jeremias 26:12

Insan inkuanko, “Imbaki ak na Katawan a mampropisiya nipaakar ed amin a nadngel yo sumpad sayan Timplo tan sumpad sayan siudad.

Ezekiel 6:2

Inkuanto, “Sika a toon ompatey, bantag kad kapalandeyan na Israel tan mampropisiya ka na sumpad sikara.