Ezekiel 21:4 - Maung A Balita Biblia

⁴ Ikanak so ispadak sumpad balang sakey a too manlapud baybay ya anggad abalaten.

Maung a Balita Biblia

⁴ Ikanak so ispadak sumpad balang sakey a too manlapud baybay ya anggad abalaten.

Ezekiel 21:4 Referans Kwoze

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Deuteronomio 32:40

Legan a siak so mabilay a Dios, iyatagey koy limak tan sambaan ko

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Jeremias 25:27

Insan inkuan ed siak na Katawan, “Ibagam ed saray totoo a siak, say Katawan a Makapanyarin-amin a Dios na Israel, igaganggan ko ra ya oninom a anggad nabuwek-buwek ira tan manota-ota ra, anggad natumba ra tan ag ira la makabangon lapu ed bakal ya ipadalan kod sikara.

Ezekiel 14:17

“Nayarin mangipadalan ak na bakal ed saman a bansa tan mangibaki ak na saray armas a mamaandid saray totoo tan saray ayayep to;

Ezekiel 20:46

Inkuanto, “Sika a toon ompatey, nengneng kad abalaten. Mansalita ka sumpad abalaten tan mampropisiya ka sumpad takel ed abalaten.

Ezekiel 21:9

“Sika a toon ompatey, mampropisiya ka. Ibagam ed saray totoo so kuanko, siak a Katawan: Sakey ya ispada, sakey ya ispada so niyobul tan apasileng.

Ezekiel 21:10

Niyobul a mamatey, apasileng ya onkidyam a singa kirmat. Anggapoy nagawan panliliket, lapud ag inasasikaso na saray totoo so pasakbay tan say dusa.