Ezekiel 21:28 - Maung A Balita Biblia

²⁸ “Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: ‘Akaparaan lan maneral so sakey ya ispada; Apasileng a mamatey, onkidyam a singa kirmat.

Maung a Balita Biblia

²⁸ Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: Akaparaan lan maneral so sakey ya ispada; Apasileng a mamatey, onkidyam a singa kirmat.

Ezekiel 21:28 Referans Kwoze

Ezekiel 21:20

Say sakey a tanda ipanengneng tod ari so dalan a mamaarap ed Raba a siudad da ray Ammonita, tan say sakey ipanengneng toy dalan a mamaarap ed Juda, diad Jerusalem, say siudad ya aliber na padir.

Jeremias 12:12

Manlapud biek na amin a niatagey a kabueran dinmadagon manderal iray totoo. Angibaki ak na bakal a manderal ed intiron bansa; anggapoy makapambilay ed kareenan.

Isaias 31:8

Naderal ed bakal so Asiria, balet aliwan diad panamegley na pakayariy too. Ibatikan na saray taga Asiria so bakalan tan naaripen iray tobun-balo ra.

Jeremias 46:10

Sikato yay agew na Katawan a Dios a Makapanyarin-amin: ombawi natad sayan agew; dusaen to ray kalaban to natad sayan agew. Kanen ira na ispada to ya anggad napsel; inomen toy dala ra ya anggad apenek. Ibagat natad sayan agew na Makapanyarin-amin iray kalaban ton inaatey diad baybay ya asingger ed Eufrates.

Jeremias 46:14

“Ibawag mod saray baley na Egipto, diad Migdol, Memfis, tan Tafnes, ‘Mamparaan kayon mangyagel ed sikayon dili; naderal ed bakal iray amin a kayaryan yo!

Ezekiel 36:15

Say dalin ag to la nepeg a dengelen iray bansan manluludlurey ed sikato odino onnengneng ed saray totoon mamapabaing ed sikato. Say dalin ag to la takewen iray anak to. Siak a Katawan a Dios so nansalita.”

2 Saray Awaran 36:17

Kanyan imbaki na Katawan so ari na Babilonia ya ondogpad sikara. Pinapatey na ari iray tobun-balon lalaki a taga Juda, anggan diad Timplo. Anggapoy panangasi to ed anggan siopa, malangwer may matakken, laki may bii, mansasakit may maksil so laman. Say Dios impalima to ran amin ed sikato.

Ezekiel 17:13

Inala toy sakey a kabyangan na pamilya na ari, akipakna ed sikato, tan impansamba ton matoor ya ontoluk. Inawit to ray manonan totoo

Ezekiel 17:15

Balet say ari na Juda linmaban tan angibakid Egipto na saray totoo to, ta miala ray kabayo tan saray amayamay a sondalo. Manalo kasi? Diad panggawa tod satan, makabatik kasi? Ag kasi nadusa no sumlangen to may paknaan?

Oseas 9:9

Mapalaloy kaogsan a gagawaen da; singa samay kaogsan a ginagawa ra nen wala rad Gabaa. Nanunotan na Dios so kasalanan da tan dusaen to ra lapud kaogsan da.