Ezekiel 21:25 - Maung A Balita Biblia

²⁵ “Sikan maoges tan nisamba a manoley na Israel, onsasabi lay agew na kaonuran a pakadusam.

Maung a Balita Biblia

²⁵ Sikan maoges tan nisamba a manoley na Israel, onsasabi lay agew na kaonuran a pakadusam.

Ezekiel 21:25 Referans Kwoze

Ezekiel 35:5

“Sikay mabetbet a kalaban nen saman na Israel tan impapapatey mo ray totoo to diad samay panaon na inkaderal to, salanti samay kaonuran ya impakadusa to lapud saray kasalanan to.

Ezekiel 21:29

Tila ray nanenengneng yon pasingayew, tan aliwan tua iray ipapasakbay yon nagawa. Maoges kayon totoo. Onsasabi lay agew na pakadusa yon siansia. Ondapo lan ontoruk ed pagew yo so ispada.

Ezekiel 17:19

Say Katawan a Dios kuanto, “Andi-duaruwa a siak so mabilay a Dios; ontan met ya andi-duaruwan dusaen ko so arid Juda, lapud sinumlang to so paknaan a sinambaan tod ngaran ko ya onuren.

Jeremias 52:2

Nanggagawa na kaogsan ed arap na Katawan si Ari Sedekias a singa ginagawa nen Ari Joakin.

2 Saray Awaran 36:13

Linmaban si Sedekias ed Ari Nabucodonosor ya amasoot ed sikaton mansamba diad ngaran na Dios a magmaliw a matoor ed ari. Anawet so puso to kanyan ag nagbabawi o pinmawil ed Katawan a Dios na Israel.

Ezekiel 30:3

Asingger la so agew, say agew ya onggalaw so Katawan, Say agew a malorem tan magunigon iray bansa.

Ezekiel 7:6

Sinmabi lay pansamput mo. Anggaan mo la. Ayari ka la.

Jeremias 51:13

Amayamay iray ilog na Babilonia tan saray baleg a kayamanan to, balet asabi lay oras to tan apongpong lay pabilo na bilay to.

Jeremias 24:8

“No panon a sarayan aliwaliwan bungay igos et ag nayari ran kanen, ontan met so gawaen ko, siak a Katawan, ed kinen Ari Sedekias na Juda, saray katambayan tod oley, tan saray arum a totood Jerusalem ya atilak ed sayan dalin odino batik ed Egipto.

Saray Salmo 7:9

Matonung kan Dios tan sisintinsiaan moy kanunotan tan pilalek mi. Patondam pay kaogsan da ray totoon maoges tan tumangan mo pa ray maung a totoo.

Saray Salmo 37:13

Eelekan na Katawan iray totoon maoges, ta amta ton maganggano lan onsabiy kadusa ra.

Ezekiel 7:2

Inkuanto, “Sika a toon ompatey, sikato yay ibabagak ed dalin na Israel, siak a Katawan a Dios: Sikato yay pansamput na intiron dalin!

Ezekiel 7:3

“Israel, sinmabi lay anggaan mo. Ondapod sikay pasnuk ko, lapud sisintinsiaan ta kad saray ginagawam. Singilen ta kad amin a makapaingungot a kagagawam.

Ezekiel 21:12

Managlem kad ermen, sika a toon ompatey; sayan ispada et ikanan pampatey ed saray totoo tan diad amin da ray pangulo na Israel. Napatey ira a kaiba na saray arum a totook. Tapuk-tapuk moy pagew mo lapud ermen.

Ezekiel 21:24

Sikato ya sirin so ibabagak, siak a Katawan a Dios: Niparontal iray kasalanan yo. Amta na balang sakey a nankasalanan kayo. Ipapanengneng yo ray kasalanan yo diad panamegley na amin a gagawaen yo. Asintinsiaan kayo lan nadusa, tan iyawat ta kayod saray kalaban yo.

Saray Salmo 48:13

imano yo ray padir to tan nengneng yo ray tirinsira to, pian nibaga yo ed ontombuk a kailalakan:

Jeremias 49:1

Sikato yay inkuan na Katawan nipaakar ed Ammon: “Iner so kawalaan da ray lalaki na Israel? Anggapo ta lad sikaray mangyagel ed dalin da? Akin et inabuloyan da ray totoon manangigalang ed dios a Moloc a sakopen day dalin na tribu nen Gad tan manayam irad man?

Jeremias 49:2

Balet onsabiy oras a parengelan ko na ingal na bakal iray totoo ed siudad na Rabba, tan nataynan ya aderal-deral tan apoolan iray bario to. Diad satan say Israel nabawi tod saray angala so dalin to.

Ezekiel 25:5

Pagmaliwen kon pastolan na saray asno so siudad na Rabba, tan magmaliw so intiron bansa na Ammon a pastolan na saray karniro, pian naamtaan yo a siak so Katawan.

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.