Ezekiel 21:21 - Maung A Balita Biblia

²¹ Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Maung a Balita Biblia

²¹ Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Ezekiel 21:21 Referans Kwoze

Probirbio 16:33

Saray totoo pampapalaranan dan amtaen so linaway Dios, balet say Dios a dili so mangiiter na ebat.

Saray Huis 18:20

Lapud saya akaliket imay pari, kanyan inala to ra may talintao tan samay ipod tan akilad sikara.

Saray Huis 17:5

Si Micaya et walay pasen ton dili a panangigalangan. Nanggawa na saray pigaran talintao tan sakey ya ipod, tan tinoro ton sakey a pari so sakey ed saray anak ton lalaki.

Genesis 31:30

Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Saray Gawgawa 16:16

Aminsan ya agew, nen mamapaarap kamid pasen a panagpikasiyan, inabet kamiy sakey a biin aripen. Inaponan ya na maoges ya ispiritu, a mangiiter ed sikatoy pakayarin mamparles. Dakel so kuartan nanaalmo na saray amo to lapud panagparles to.

Zacarias 10:2

Saray totoo et mangipapanon irad saray talintaoy diriyos tan diad saray pumaparles, balet tila tan andi-kakanaan iray nanaala ran ebat. Pigarad sikaray mangipapatalus na saray kogip, balet papalikdoen da kayo labat; andi-kakanaan iray iiter dan ligliwa. Kanyan mantawtawataw iray totoon singa ra abalang a karniro. Nagugunigon ira lapud anggapoy pangulo ra.

Oseas 4:12

Onkekerew ira na puyan a manlapud sakey a poter na kiew! Sasalitaen na sakey bastun so labay dan amtaen. Inkaindan da ak. Aliling day sakey a biin mikakaloguran, diad impanlilingkur da ed arum a diriyos.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.

Probirbio 21:1

Mainomay ya iwanwan na Katawan so kanunotan na ari, a singa kinainomay na panangiwanwan tod agos na kolus.

Probirbio 16:10

Mansasalitan walay pakayari na Dios ed sikato so ari; maptek lawas iray iiter ton sintinsia.

2 Saray Arari 23:24

Pian nasumpal nen Ari Josias iray ganggan a nisulat ed libron nalmo na Pangulon Pari a si Helcias diad dalem na Timplo, pinataynan tod Jerusalem tan diad intiron Juda iray amin a manangipanon ed saray ispiritu na inaatey tan amin a managpalar, tan inekal to ray diriyos ed abung, saray talintao, tan amin a bengatlan igagalang na saray pagano.

1 Samuel 15:23

Say isumpa ed sikato et singa kinaoges na panangipanon ed saray maoges ya ispiritu tan say panagpaatagey et singa kinaoges na panangigalang ed saray diriyos. Lapud impolisay moy ganggan na Katawan, impolisay to ka met ya ari.”

Saray Huis 18:24

Inmebat si Micaya, “Imbatik yoy parik tan saray diriyos a ginagawak; anto niy akeraan ed siak? Insan natan tepeten yo no antoy agawa?”

Saray Huis 18:18

Nen linmad abung nen Micaya ira may limaran lalaki tan inala da ra may talintao tan ipod, tinepet na samay pari ed sikara, “Antoy gagawaen yo?”

Saray Huis 18:14

Insan saramay limaran nibaki a mannengneng ed dalin a kaliber-liber na Lais kuandad saray kakaiba ra. “Diad sakey ed saray abung dia walay kiew a talintaon naokupan na pilak. Wala met iray arum a talintao tan walay sakey ya ipod. Antoy kuanyon gawaen tayo?”

Deuteronomio 18:10

Ag yo ibabagat ed apoy a walad tapew na altar iray anak yo, tan ag yo aabuloyan a saray totoo yo et mamparles ira, tan ag yo aaligen so gagawaen da ray managbuyon, mananem, manangipanon ed maoges ya ispiritu,

Saray Bilang 23:28

Kanyan intagar toy Balaam ed toktok na Palandey na Peor a tantandagan toy kalawakan.

Saray Bilang 23:23

Anggapoy panamalikdo odino panagsalamangka diad pananulong na maoges ya ispiritu A makasumpa ed bansan Israel. Natan saray totoo ikuanda nipaakar ed Israel. ‘Nengneng yo no antoy ginawa na Dios!’

Saray Bilang 22:7

Kanyan saray pangulo da ray Moabita tan saray Madianita inawit da so bayar na samba, linma ra ed kinen Balaam, tan imbaga rad sikato so papaibaga nen Balak.

Mateo 22:9

Kanyan lakayod saray nansasangaay dalan tan imbitaan yo ray amin a nanengneng yo.’

Saray Huis 18:17

Tinmuloy ed abung ira may limaran nibaki a mannengneng ed dalin tan inala ra may kiew a talintaon naokupan na pilak, saramay arum a talintao, tan samay ipod, legan a kaiba na samay pari ed puirta ira may anem a lasus a sondalon akaarmas.