Ezekiel 21:15 - Maung A Balita Biblia

¹⁵ Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Maung a Balita Biblia

¹⁵ Patalawen to ray totook tan tumbaen to ra. Say ispadan mankidyam a singa kirmat tan akaparaan a mamatey so pamapatakot kod siudad da.

Ezekiel 21:15 Referans Kwoze

Ezekiel 21:10

Niyobul a mamatey, apasileng ya onkidyam a singa kirmat. Anggapoy nagawan panliliket, lapud ag inasasikaso na saray totoo so pasakbay tan say dusa.

Jeremias 17:27

Balet nepeg ya onuren da ak tan ngilinan da a masanton agew so Agew na Panagpainawa. Ag ira nepeg a mangawit na antokaman ya idalan dad saray puirta na Jerusalem ed satan ya agew, ta no mangidalan ira, poolan ko ray puirta na Jerusalem. Temeken na pool iray palasio na Jerusalem, tan anggapoy makasebseb.”

Ezekiel 21:28

“Sika a toon ompatey, mampropisiya ka. Ibawag mo so ibabagak, siak a Katawan a Dios, ed saray Ammonita a mamapabaing ed Israel. Ibagam ed sikara: ‘Akaparaan lan maneral so sakey ya ispada; Apasileng a mamatey, onkidyam a singa kirmat.

Ezekiel 21:22

Bebembenan natan na kawanan a lima to so pana a nanmarka na Jerusalem! Ibabaga na saman a dimay laen to, mangiparaan na saray panmasod saray puirta, oneyag na para bakal, ilira to ray bunton, tan mankotkot na saray tirinsira.

Ezekiel 21:7

No tepeten dad sika no akin et mandadageyem ka, ibagam ed sikara a lapud onsasabin balita. No onsabi tan a balita, napano na takot so kapusoan da, nalaylay so kalimaan da, naekalan iray biskeg na linawa, tan ompayegpeg iray pueg da. Sinmabi lay panaon; wadya la.” Say Katawan a Dios so nansalita.

Ezekiel 20:47

Ibagam ed takel ed abalaten so ibabagak, siak a Katawan a Dios: Nengneng yo! Mangigapo ak na pool, et poolan toy amin a kiew a walad sikayo, mabilay may inatey. Anggapoy makasebseb ed sayan pool. Onkayamkam manlapud baybay ya anggad abalaten, tan nalikna na balang sakey a too so petang na pool.

Ezekiel 15:7

insan ko ra dusaen. Apaliisan da lay sakey ya apoy, balet natan poolan ira na kumadwan apoy. No dusaen ko ra, naamtaan mo a siak so Katawan.

Saray Salmo 22:14

Anggapo lay biskeg ko; naandin singa danum a naibung ed dalin. Akidkidwas la ray amin a pokepokel ko; atonaw a singa kandila so pusok.

2 Samuel 17:10

Diad satan anggan saray sankasebegan a totoo, ya anggapoy takot da a singa saray lion, et ontakot ira, ta amta na amin a totood Israel a matalonggaring a sondalo si amam tan maung a mibakal iray totoo to.

Josue 2:11

Kadngel mid saman a balita ataktakot kami; kinmapoy so linawa mi lapud sikayo. Say Katawan a Dios yo, et Dios ed tawen tan diad tapew na dalin.

Isaias 59:10

tan solingsoling itayon singa tayo bulag. Nipapatakba itayo anggan kagkaagwan; singa itayo manaakar ed labi, singa tayo walad ambilonget a pasen a panaayaman da ray inaatey.

Jeremias 13:16

Pagalangan yoy Katawan a Dios yo, kasakbayan a mangyakar na kabilongetan, tan natumtumba kayod kapalandeyan; kasakbayan a pagmaliwen ton ambilbilonget so iilaloan yon liwawa.

Jeremias 18:15

Balet nilingwanan ak na saray totook; mampopool iray insinso ed saray talintaoy diriyos. Niparokul irad dalan a nepeg dan dalanen, ag da la dadalanen iray gendat a dalan; ondadalan irad saray dalan ya anggapo ray tanda.

Ezekiel 21:16

Waswas kad kawanan tan diad kawigi, sikan matdem ya ispada! Mantipas ka iner may naarap mo.

Ezekiel 21:19

Inkuanto, “Sika a toon ompatey, markaan mo so duaran dalan a nayarin laen na ari na Babilonia ya akaispada. Sarayan duaran dalan et onggapo ra ed saksakey a bansa. Mangipaalagey ka na saray tandan pangibiigan diad nansangaan na dalan.