Ezekiel 20:7 - Maung A Balita Biblia

⁷ Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Maung a Balita Biblia

⁷ Imbagak ed sikaran ibantak da ray makapaingungot a talintaon inararo ra, tan ag da dodotakan so sikaran dili diad pidios dad saray tila-tilan diriyos na Egipto, lapud siak so Katawan a Dios da.

Ezekiel 20:7 Referans Kwoze

Levitico 18:3

Ag yo aaligen iray kagagawa na saray Egipsio a nanayaman yo nen saman, odino saray kagagawa da ray taga dalin na Canaan a pangyaakaran kod sikayo natan.

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Ezekiel 18:31

Tondaan yo la ray kaogsan a gagawaen yo, tan iyalaan yo lay sikayon dili na balon isip tan puso. Akin et labay yoy ompatey, sikayo ran Israelita?

Levitico 11:44

Siak so Katawan a Dios yo, kanyan nepeg a masanto kayo ta siak et masanto ak.

Ezekiel 23:8

Intuloy toy inggapo to lan marotak a panagbilay to ed Egipto a dimay inkaderalay inkabirhin to. Nanlapu lad impanmarikit to, akikiakdul ed sikato ray lalaki tan impasen dan sakey a marotak a bii.

Ezekiel 23:3

Nen malangwer ni ran manaayam ed Egipto, aderal so inkabirhin da tan nagmaliw iran marotak a bibii.

Ezekiel 20:19

Siak so Katawan a Dios yo. Onur yo ray ganggan ko tan saray bilin ko.

Ezekiel 18:15

Ag to gagalangen iray talintaoy diriyos na saray Israelita tan ag mamangan na saray imbagat ed aliwan manepeg ya altar. Ag to pandadaleman na aro so asawa na kapara ton laki

Ezekiel 18:6

Sayan too et ag mangigagalang ed saray talintaoy diriyos na saray Israelita odino mamangan na saray imbagat ed saray aliwan manepeg ya altar. Ag to pandadaleman na aro so asawa na kapara ton too odino miaakdul ed biin peles a naliliberan.

Ezekiel 14:6

“Natan sirin, ibagam ed saray Israelita so ibabagak, siak a Katawan a Dios: Magbabawi kayo tan taynan yo la ray makapaingungot a talintaoy diriyos.

Ezekiel 6:9

a diman ira manayam a nibantak. Nanunotan da ak diman tan naamtaan da a dinusak tan impelag ko rad kababaingan, lapud inkaindan da ak diad ag da impanisia tan nilabay da ni ray saray talintao nen say siak. Naingungotan irad sikaran dili, lapud saray kaogsan tan mabanbanday a bengatlan ginagawa ra.

Isaias 31:7

Onsabiy panaon ya amin yo et ibantak yo ray makapakasalanan a talintaon ginagawa yod pilak tan balituk.

2 Saray Awaran 15:8

Apabiskeg so linawa nen Asa nen nadngel toy propisiya nen Azarias a lakin anak nen Obed. Ineekal to ray talintao a walad dalin na Juda tan Benjamin tan amin a talintao da ray siudad ya adakep to ed kapokdulan a bansa na Efraim. Inapiger to met so altar na Katawan a walad patio na Timplo.

Josue 24:14

“Natan sirin,” intuloy nen Josue ya inkuan, “pagalangan yo so Katawan tan masimoon tan matoor yon panlingkuran. Ibantak yo ray diriyos ya inggagalang nen saman na saray lalaki yo diad Mesopotamia tan diad Egipto. Say Katawan labat so panlingkuran yo.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Exodo 20:4

“Ag mo igagawaay sikan dili na talintao odino antokaman a kaolibay na bengatlan walad tawen odino walad tapew na dalin odino bengatlan walad danum diad dalem na dalin.

Exodo 20:2

“Siak so Katawan a Dios yo ya angipaway ed sikayod Egipto ya akaaripenan yo.

Exodo 16:12

“Nadngel ko ray riklamo da ray Israelita. Ibagam ed sikara ta diad kapansironget nawalaan ira na karnin siraen, tan diad kabwasan nawalaan ira na tinapay ya anggan antoy karakel na labay da. Diad satan, naamtaan da a siak so Katawan a Dios da.”

Levitico 20:7

Nepeg a masanto kayo ta siak so Katawan a Dios yo.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Ezekiel 23:7

Sikatoy marotak a bii ya akikaloguranan na amin ya opisyal na Asiria, tan lapud kaliktan na laman to adotakan toy sikaton dili diad impangigagalang tod saray talintao na Asiria.

Ezekiel 34:24

Siak a Katawan so magmaliw a Dios da, tan say manoley ed sikara et sakey ya arin singa si aripen kon David. Siak a Katawan so nansalita.