Ezekiel 20:6 - Maung A Balita Biblia

⁶ Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Maung a Balita Biblia

⁶ Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Ezekiel 20:6 Referans Kwoze

Ezekiel 20:15

Kanyan sinambaan ko ya ag ko ra iyakar ed inter kod sikaran dalin a mayaman, mataba tan sankaabigan ed amin a dalin.

Jeremias 32:22

Inter mod sikara yan mayaman tan mataban dalin, onung na insipan mod saray lalaki ra.

Saray Salmo 48:2

Atagey tan marakep so Sion a palandey na Dios; say siudad na matalonggaring ya ari so mangiiter na gayaga ed intiron mundo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Zacarias 7:14

Singa ak bagyon angibantak ed sikara ed saray arum a bansa a diman ira nanayam. Nagmaliw ya ataynan yan marakep a dalin, anggapoy anggan sakey ya atilak a toon manaayam.”

Daniel 8:9

Diad sakey ed sarayan apatiran saklur, tinmubo so sakey a melag a saklur, a say pakayari to et linmaknab ed abalaten tan diad bokig tan anggad Nisipan a Dalin.

Exodo 33:3

Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.”

Daniel 11:41

Looban toy anggan say Nisipan a Dalin tan pateyen toy nilibon totoo, balet makabatik iray totood bansa na Edom, Moab, tan saray nakdaan ed Ammon.

Daniel 11:16

Say taga Sirian makadakep et gawaen tod sikara so labalabay to, tan anggapoy onsumlang ed sikato. Onalagey ed Nisipan a Dalin tan sigput ton naoleyan yan dalin.

Ezekiel 20:42

Naamtaan yo a siak so Katawan no ipawil ta kayod Israel, say dalin ya insipan kon iter ed saray lalaki yo.

Ezekiel 20:23

Kanyan walay sananey a sinambaan kod man ed kalawakan. Sinambaan kon ikayat ira ed nandoroman bansa ed intiron mundo.

Ezekiel 20:5

Salitam ed sikara so ibabagak. Nen pinilik so Israel, walay insipan kod sikara. Impaamtak so siak a dili ed sikara diad Egipto tan inkuankod sikara: Siak so Katawan a Dios yo.

Jeremias 11:5

Diad ontan sumpalen koy insipan kod saray lalaki ra, ya iter kod sikara so mayaman tan mataban dalin a kayaryan da la natan.” Inkuanko, “Ontan pa komun, Katawan.”

Deuteronomio 32:8

Say Sankatageyan impabetang tod saray bansa iray dalin da; sikatoy angilira ed saray katoowan no iner so panayaman da. Anoro na sakey a mangatatawen a pinalsa a para balang sakey a bansa,

Deuteronomio 31:20

Iyakar ko rad saman a mayaman tan mataban dalin onung na insipan kod saray lalaki ra. Nawalaan irad man na amin a labay dan kanen; mainawa tan maliket so pambilay dad man. Balet onasingger irad arum a diriyos tan mangigalang irad sikara. Ipolisay da ak tan deralen day impisipanan kod sikara,

Deuteronomio 27:3

insan yo isulat ira yan amin a ganggan tan bangat. No akaloob kayo la ed mayaman tan mataban dalin ya insipan ed sikayo na Katawan a Dios da ray lalaki yo,

Deuteronomio 26:15

Manlapud tad masanton pasen ed tawen osdungan mo pa ray totoom ya Israelita tan bindisionan mo ra; bindisionan mo pa met so mayaman tan mataban dalin ya inter mod sikami onung na insipan mod saray lalaki mi.’

Deuteronomio 26:9

Inyakar to kami diad tan inter tod sikami yan mayaman tan mataban dalin.

Deuteronomio 11:9

Andokey met ed satan so pambilay yo ed mayaman tan mataban dalin ya insipan na Katawan ya iter ed saray lalaki yo tan saray kabyangay boleg da.

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Saray Bilang 14:8

No maliket ed sikatayo so Katawan, iyakar to tayod man tan iter tod sikatayo man a mayaman tan mataban dalin.

Saray Bilang 13:27

Inkuandad kinen Moises, “Ninengneng mi may dalin et arumog mi a mayaman tan mataba; nia ray pigaran bungay kakiewan diman.

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Deuteronomio 32:40

Legan a siak so mabilay a Dios, iyatagey koy limak tan sambaan ko

Saray Salmo 106:24

Insan impolisay da so balibalin dalin, ta ag da sinisia so sipan na Dios.

Ezekiel 47:14

Sinambaan kod saray lalaki yo ya iter kod sikara yan dalin; pampapara yoy pangapag yod sikayon dili.

Deuteronomio 3:25

Abuloyan mo pan makabaliw ak ed Ilog na Jordan, Katawan, pian nanengneng koy mataban dalin ed biek na ilog, say marakep a kapokdulan a dalin tan saray Kapalandeyan na Libano.’

Nehemias 9:9

“Anengneng mo no panoy impanirap da ray lalaki mi ed Egipto; dinengel moy inkerew da na tulong nen wala rad Dayat ya Ambalanga.

Nehemias 9:12

Diad panamegley na lorem inwanwan mo ra no agew, tan no labi niliwawaan mo ra na apoy so dadalanen da.

Saray Salmo 47:5

Onsesegep so Dios ed trono to. Wala ray maliket ya eyag tan tanul da ray trumpita leleg ya onsesegep so Katawan.

Jeremias 3:19

Say Katawan kuanto, “Israel, nilabay ko ya awaten ta kan anak, tan itdan ta ka na makapaliket a dalin, say sankaabigan a dalin ed intiron mundo. Nilabay ko a tawagen mo ak na ama, tan ag mo ak la ikaindan.