Ezekiel 20:41 - Maung A Balita Biblia

⁴¹ Kayari ta kayon nipaway ed saray bansan nikaykayatan yo tan no atipon ta kayo la, maliket kon awaten iray bagat a popoolan yo, et nanengneng ed satan na saray bansa a masanto ak.

Maung a Balita Biblia

⁴¹ Kayari ta kayon nipaway ed saray bansan nikaykayatan yo tan no atipon ta kayo la, maliket kon awaten iray bagat a popoolan yo, et nanengneng ed satan na saray bansa a masanto ak.

Ezekiel 20:41 Referans Kwoze

Ezekiel 28:25

Say Katawan a Dios kuanto, “Papawilen ko ray Israelita ed dalin da, manlapud saray bansan nikayatan da, et diad satan nakabatan na saray amin a bansa a siak so masanto. Saray totood Israel manayam irad dilin dalin da, say dalin ya iter kod kinen aripen kon Jacob.

Ezekiel 11:17

“Kanyan ibagam ed sikara so ibabagak, siak a Katawan a Dios. Tiponen ko ra manlapud saray bansan angitayakan kod sikara, tan ipawil kod sikaray dalin na Israel.

Ezekiel 38:23

Diad onya ipanengneng kod amin a bansa a siak so matalonggaring tan masanto. Diad satan naamtaan da a siak so Katawan.”

Ezekiel 28:22

Ibagam ed saray totood man so ibabagak, siak a Katawan a Dios: Siak so kalaban mo, Sidon; idayew ak na saray totoo lapud gagawaen kod sika. Naamtaan da a siak so Katawan, no ipanengneng koy ontan lan inkasantok diad panusak ed saray totoon manaayam ed sika.

FILIPOS 4:18

Nia natan so pakaamtaay masolusoluk ya inter yod siak. Wala lan amiy nakaukolan ko, natan ta wadya lay tulong yo ya awit nen Epafrodito. Singa ra ambalbalingit a bagat ed Dios, marakep tan makapaliket ed sikato.

Jeremias 32:37

Saray totoon inkaykayat kod saray bansa lapud petang na olok, pasnuk, tan sanuk kod sikara et tiponen ko ra, insan ipawil ko rad sayan pasen tan panayamen ko ra dian arawid kaatapan.

Jeremias 30:3

ta onsabi lay panaon ya ipawil koy maung a kipapasen da ray totook ed Israel tan Juda. Papawilen ko rad dalin ya inter kod saray lalaki ra, tan kayaryanen da lamet. Siak, say Katawan, so nansalita.”

Jeremias 23:3

Tiponen ko ray totook ya akeraan manlapud saray bansan angikay-kayatan kod sikara, tan ipawil ko rad dilin dalin da. Nawalaan iray amayamay ya anak tan ondakel so bilang da.

Isaias 5:16

Balet say Katawan a Makapanyarin-amin ipapanengneng toy inkatalonggaring to diad panamegley na panggagawa toy kaptekan, tan ipapaamta toy kasantosan to diad panamegley na panisintinsia tod saray totoo to.

Lucas 2:14

“Galang ed Dios ed tawen a sankatageyan, tan diad dalin kareenan ed saray totoon pakaliliketan to!”

Amos 9:14

Ipawil kod dalin da iray totook. Pasimbaloen dan ipaalagey iray aderal-deral a siudad da tan manayam irad man; mantanem ira na saray ubas tan inomen da ray alak da; mantanem ira na saray tanaman tan kanen da ray bunga ra.

Ezekiel 38:8

Kalabas na amayamay a taon iganggan kon looban toy sakey a bansan saray totoo to et pinmawil iran nanlapud saray amayamay a bansa tan manaayam iran arawid kaatapay bakal. Looban to ray kapalandeyan na Israel ya abayag iran apaolyan tan ataynan, balet panaayaman la ra na amin da ray totoon arawid kaatapan.

Ezekiel 37:25

Manayam irad dalin ya inter kod aripen kon Jacob, diad dalin a nanayaman na saray lalaki ra. Manayam irad man ya anggad angga, pati saray anak da tan amin a kabyangay boleg da. Anggad anggan manoley ed sikara so sakey ya arin singa si aripen kon David.

Ezekiel 34:19

Saray arum a karnirok et kaukolan a kanen da ra may dikan gagatinan yo tan inomen da ra may danum a kikiloten yo.

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 6:13

Saray bangkay et nataytayak irad saray kawalaan da ray talintaoy diriyos tan diad kaliber-liber na saray altar, nataytayak irad balang pokdul, diad toktok na balang palandey, diad silong na balang masalumpapak a kiew tan balang ankabaleg a kiew a robli, tan diad balang pasen a pampopoolan dad saray ayayep a bagat ed saray talintao ra. Diad satan naamtaan dan amin a siak so Katawan.

Jeremias 30:18

Say Katawan kuanto, “Papawilen kod dalin da iray totook, tan kasian koy balang pamilya; napasimbalon nipaalagey so Jerusalem; tan say palasio.

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Levitico 1:17

Benbenan to ray payak tan pisagen to may manok balet ag to ilaus, insan to ipool ya intiro ed tapew na altar. Makapaliket ed Katawan so balingit na sayan bagat.

Levitico 1:13

Samay too et nepeg ton orasan iray loob-loob tan saray sali, insan samay pari iyapay tod Katawan imay bagat tan poolan ton intiro ed tapew na altar. Makapaliket ed Katawan so balingit na sayan bagat.

Levitico 1:9

Samay too et nepeg ton orasan iray loob-loob tan saray sali, insan say parin mangibabagat poolan tod tapew na altar imay intiron bagat. Makapaliket ed Katawan so balingit na sayan bagat.

Genesis 8:21

Akapaliket ed Katawan so naangub ton balingit na samay bagat, kanyan inkuantod sikaton dili, “Ag ko lan balut isambay dalin lapud saray gagawaey too; amtak a manlapud ogaw ni, maoges lay kanunotan to. Ag ko lan balut deralen ya amin iray pinalsan mabilay a singa ginawak.

1 Pedro 3:15

Pagalangan yod puso yo si Criston Katawan. Nepeg a sipaparaan kayon onebat ed siopaman a manepet no akin et walay ilalo yo.

TAGA-EFESO 5:2

Mambilay kayon maaro a singa si Cristo; lapud panangaro tod sikatayo, inter ton para sikatayo so bilay to, sakey ya ambalingit a bagat tan rigalo a makapaliket ed Dios.

2 CORINTO 2:14

Balet salamat ed Dios, ta lawas to kamin pipilaen ed paraday pananalo nen Cristo, lapud pikakasakey mid sikato. Tan diad panamegley mi, ikakayat na Dios ed amin a pasen so pikakabat nipaakar ed Cristo, a singa ikakayat na balingit.

2 CORINTO 2:15

Ta singa kami mansamyong a pabalingit ya isasaklang nen Cristo ed Dios, tan nasosongap na saray nilalaban tan saray nababalang.

2 Samuel 24:23

Inter iran amin nen Arauna ed ari, tan kuanto, “Awaten komun na Katawan so bagat mo.”

Ezekiel 34:11

“Siak a Katawan a Dios ibagak ed sikayo a siak a dili so mananap ed saray karnirok tan asikasoen ko ra

Saray Bilang 20:13

Agawa ya ed dalin na Meriba a diay nanriklamoan na saray Israelita sumpad Katawan tan diay angipanengnengan to a sikatoy masanto.

Ezekiel 38:16

Dogpaan mo ray totook ya Israel a singa ka bagyon ondadalan ed dalin. No onsabiy tan a panaon, ibaki ta kan onloob ed dalin ko, pian nipanengneng kod saray bansa no siopa ak, pian nipanengneng koy kasantosan ko diad panamegley mo.