Ezekiel 20:40 - Maung A Balita Biblia

⁴⁰ Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Maung a Balita Biblia

⁴⁰ Sikayo ran amin a totood Israel, igalang yo ak ditan ed dalin, diad toktok na masanton palandey ko, say atagey a palandey na Israel. Manliket ak ed sikayo tan ilaloan kon iyakaran yo ak na saray saklang yo, saray sankaabigan a bagat yo tan saray masanton rigalo yo.

Ezekiel 20:40 Referans Kwoze

Isaias 56:7

“Iyakar ta kayod Sion, say masanton palandey ko, panliketen ta kayo ed dalem na abung kon panagpikasian, tan awaten ko ray bagat ya isaklang yod altar ko. Natawag so Timplok ya abung na panagpikasian na saray totoo ed amin a bansa.”

Malakias 3:4

Diad ontan magmaliw a makapaliket ed Katawan iray bagat ya iyakar ed sikato na saray totood Juda tan Jerusalem, a singa gendat a ginagawa da la nen saman.

Isaias 60:7

Amin da ray karniro ed Kedar tan Nebayot Niakar iran para bagat ed sika Tan nibagat irad altar a pamaliket ed Katawan. Pagmaliwen na Katawan a lalon mapagalang so Timplo to.

1 Pedro 2:5

Singger kayon singa mabilay iran bato, tan paikana kayo ed panggaway maispiritun timplo. Magmaliw kayon masanto a papari ed sayan timplo tan mangyapay kayoy maispiritu tan makapaliket iran bagat ed Dios diad panamegley nen Jesu-Cristo.

Saray Hebreo 13:15

Kanyan mangibagat tayo lawas na dayew ed Dios diad panamegley nen Jesus—dayew a mangibawag na pamirbir tayod ngaran to.

Ezekiel 43:27

Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.”

Ezekiel 17:23

diad sankatageyan a palandey na Israel. Mansanga may tanaman tan mambunga, et magmaliw a nidoma-doman kiew a sidro. Manayam irad may amin a klasiy manok tan onsirum ira ed silong to.

Isaias 66:23

Kapag Pista na Balon Bulan tan kapag Agew na Panagpainawa amin da ray totoo ed balang bansa et onla ran mangigalang ed siak diad Jerusalem,” kuay Katawan.

Puyan 21:10

Niwala ak ed pakayari na Ispiritu, tan inyakar to ak may anghil ed toktok na atagtagey tan balbaleg a palandey. Impanengneng tod siak so Jerusalem, say Masanton Siudad, ya onleleksab a nanlapud tawen tan nanlapud Dios.

Puyan 12:1

Kasumpal to ya, linmetaw ed tawen so makapakelkelaw a sinyal: sakey a biin say agew so kawes to, say bulan so tinoonan da ray sali to, tan nankoronay labinduan bitewen so olo to.

Malakias 1:11

Igagalang ak na amin a totoo ed amin a sukong na mundo. Inerman a pasen saray totoo mamopool ira na insinso a para siak tan mangisasaklang ira na makapaliket a bagat. Igagalang da ak ya amin!

Obadias 1:16

Saray totook et ininom day ampait a kupa na dusa diad masanton palandey ko. Balet amin da ray bansad kaliber-liber inomen day lalon ampait a kupa na dusa; inomen da ya amin tan maandipat ira.

Jeremias 31:12

Ondago ra tan mankanta rad liket diad Palandey na Sion tan panliketan da ray rigalok— saray rigalon trigo, alak, tan larak na oliba, saray karniro tan saray baka. Magmaliw iran singa asalusalug a tanamanan, tan nawalaan ira na amin a nakaukolan da.

Isaias 66:20

Manlapud saray bansa papawilen da ray kadalaan yo a sikaray rigalod siak. Iyakar da rad masanton palandey ed Jerusalem ya akakabayo rad mula, kabayo, tan diad saray kamilyo, tan saray arum akalogan irad karwahi tan diad saray kariton, a singa saray Israelita a mangyaakar ed Timplo na saray bagat da a trigo ya akakargad saray pananginan a malinis onung ed ganggan.

Saray Salmo 2:6

“Pinayorung kon manoley so arik diad tapew na masanton palandey ko a Sion,” kuanto.

Saray Taga Roma 8:23

Aliwan sikara labat so onya; sikatayo met ya angawat na Ispiritu, say onaan ed saray rigaloy Dios, et manngesnges itayod inkasikatayo, legan tin aalagdey Dios a managibi ed sikatayo tan manondon na laman tayo.

2 Samuel 24:23

Inter iran amin nen Arauna ed ari, tan kuanto, “Awaten komun na Katawan so bagat mo.”

Ezekiel 17:22

Sikato ya so ibabaga na Katawan a Dios: “Alaen koy toktok na atagey a kiew a sidro tan mamoter ak na sibwal ton sanga; itanem ko ed atagey a palandey,

Ezekiel 28:14

Angipasen ak na makapataktakot ya anghil a mangguardiad sika. Nanayam kad masanton palandey ko tan nanakar ka ed leet na saray mankidyam a mabmablin bato.

Ezekiel 40:2

Diad sayan pasingayew say Dios inyakar to ak ed dalin na Israel tan inggaton to ak ed toktok na atagey a palandey. Diad bandad arap ko, anengneng koy grupo na saray paalagey a singa ra sakey a siudad.

Ezekiel 43:12

Sikato ya so ganggan na Timplo: Masanto ya amin iray pasen ed liber-liber na Timplo diad toktok na palandey.”

Sofonias 3:11

Diad satan a panaon, sikayo ran totook et ag yo la nakaukolan so ombaing ed siak, ombaing lapud samay insumpa yod siak. Paekalen koy balang toon mapaatagey, et diad ontan ag yo ak lan balut labanan ed tapew na masanton palandey ko.