Ezekiel 20:39 - Maung A Balita Biblia

³⁹ Say Katawan a Dios kuanto, “Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Maung a Balita Biblia

³⁹ Say Katawan a Dios kuanto, Sikayo ran amin ya Israelita, no ag yo ak dengelen, ituloy yo labat lad tay panlilingkur yod saray talintaoy diriyos yo! Balet papasakbayan ta kayo a kayari to ya, nepeg yo ak ya onuren tan ag yo la pabaingan so masanton ngaran ko diad pambabagat yo na saray rigalo ed saray talintaoy diriyos yo.

Ezekiel 20:39 Referans Kwoze

Oseas 4:17

Saray totood Israel et wala rad silong na pakaoley da ray talintaoy diriyos. Paolyan mo ra labat ed labay da.

Ezekiel 43:7

“Sika a toon ompatey, sikatoya so tronok. Manayam ak dia a kaibak iray totood Israel tan oleyan ko ra ya anggad angga. Saray totoo tan saray arari ra et ag da lan balut ipelag ed kababaingan so masanton ngaran ko diad pangigalang dad saray arum a diriyos odino diad asingger a kiwawala na saray bangkay da ray inaatey ya arari ra.

Saray Huis 10:14

Laka yon ontawag ed saray diriyos a pinili yo. Paiyagel kayod sikara no wala kayod gunigon.”

2 TESALONICA 2:11

Lapud sayan ag da impangawat ed katwaan, iyaabuloy na Dios a mankimey so pakayariy tila ed sikara, pian sisiaen day tila.

Mateo 6:24

“Anggapoy toon makapanlingkur ed duaran amo, ta bosulen toy sakey tan aroen toy sakey, panlingkuran toy sakey tan balawen toy sakey. Ag kayo makapanlingkur ed Dios tan say kayamanan.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Saray Salmo 81:12

Kanyan inabuloyan kon mansiansiay awet na kapusoan da, tan manggawa ray labay dan dili.

2 Saray Arari 3:13

“Akin et tulongan ta ka?” inkuanen Eliseo ed ari na Israel. “Lakan mangipanon ed saray propitan angipanonan di amam tan inam.” “Andi!” ebat nen Joram. “Say Katawan so nantipon ed sikamin taloran arari, pian napadakep to kami ed ari na Moab.”

Saray Gawgawa 7:42

Lapud sayan ginawa ra, imbeneg iray Dios tan pinaolyan to ran mangigalang ed saray bitewen ed tawen, onung na nisulat ed libro da ray propita: ‘Totood Israel, aliwan siak so angisaklangan yod saray pinapatey tan imbabagat yon ayayep legan yon walad kalawakan ed loob na apataploy taon.

Amos 6:10

Say kanayon na too a sikatoy makaoley ed tolur et ipaway tod abung so bangkay. Samay kanayon ontawag ed siopaman ya atilak ed abung, “Wala nid tay atilak a kaibam?” Say too onebat, “Anggapo!” Insan samay kanayon kuanto, “Ag ka maknul! Nepeg tayoy manalwar; ag tayo nepeg a bitlaey anggan ngaran na Katawan.”

Josue 24:15

No ag yo labay a panlingkuran so Katawan, mampili kayo natan no siopay panlingkuran yo, saray diriyos ya inggagalang na saray lalaki yo ed Mesopotamia odino saray diriyos da ray Amorreo a panaayaman yo natan so dalin da. Para say siak tan say pamilyak, panlingkuran mi so Katawan.”