Ezekiel 20:31 - Maung A Balita Biblia

³¹ Anggad natan ibabagat yo ray namparan rigalo tan dodotakan yoy sikayon dili diad panamegley na pampopool yod saray anak yo, ya ibabagat yo rad saray talintaoy diriyos yo. Insan sikayo ran Israelita et ondadago kayod siak a manepet no antoy linawak! Legan a siak so mabilay a Katawan a Dios, ag ta kayo abuloyan a manepet ed siak na antokaman.

Maung a Balita Biblia

³¹ Anggad natan ibabagat yo ray namparan rigalo tan dodotakan yoy sikayon dili diad panamegley na pampopool yod saray anak yo, ya ibabagat yo rad saray talintaoy diriyos yo. Insan sikayo ran Israelita et ondadago kayod siak a manepet no antoy linawak! Legan a siak so mabilay a Katawan a Dios, ag ta kayo abuloyan a manepet ed siak na antokaman.

Ezekiel 20:31 Referans Kwoze

Ezekiel 20:26

Inabuloyan ko ran nadotakan day sikaran dili diad panamegley na saray bagat da, tan inabuloyan ko ran mangibagat na saray pangulowan ya anak dan lalaki. Ginawak ya a panusad sikara tan diad ontan et naamtaan da a siak so Katawan.

Jeremias 7:31

Diad Patar na Hinnom nanggawa ray altar a tatawagey Tofet, a diay nampopoolan dad saray imbabagat dan anak da. Ag ko ingganggan a gawaen da ya odino sinmebang ed kanunotan koy onya.

Zacarias 7:13

Lapud ag ira dinmengel nen nansalita ak, ag ko ra inebatan nen nampikasi ra.

Ezekiel 20:3

Inkuanto, “Sika a toon ompatey, misalita kad sarayan totoo tan ibagam ed sikara so ibabagak, siak a Katawan a Dios: Linma kayo dian manepet no anto so linawak, anto? Legan a siak so mabilay a Dios, andi-duaruwan ag ta kayo abuloyan a manepet ed siak na antokaman. Siak a Katawan a Dios so nansalita.

Ezekiel 16:20

“Insan mo ra inaalay anak mon lalaki tan bibii ya inaanak mo rad siak, insan mo ra imbabagat ed saray talintaoy diriyos. Ag ka ta ni apera ed pagmamaliw mon aliwan matoor ed siak,

Jeremias 19:5

tan nampapaalagey iray altar a para si Baal, pian makapampool ira na saray anak dan isaklang a bagat a popoolan. Ag ko ya ingganggan ed sikara; ag balut anggan sinmibang ed kanunotan ko.

Jeremias 14:12

Anggan manayuno ra ag ko dengelen so ikekerew day tulong; ag ak manliket ed sikara anggaman a mangisaklang irad siak na saray bagat a popoolan tan saray bagat a trigo. Ingen, pateyen ko ra diad panamegley na bakal, eras tan salot.”

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Probirbio 28:9

No ag mo oonuren so ganggan, kabosul na Dios a dengelen so pikakasim.

Saray Salmo 66:18

No ag ko nagbabawian iray kasalanan ko, ag ak komun dinengel na Katawan.

Say Libro nen Job 27:10

Nampilalekan to komun so liket ya iiter na Dios, tan nampikasi lawas komun ed sikato.

Say Libro nen Job 27:8

Antoy ilalo na toon anggapoy Dios to, no babawien la na Dios so bilay to?

Ezekiel 16:36

“Nanlakseb ka tan, singa sakey a marotak a bii, inter moy sikan dili ed saray kainarowan mo tan diad saray amin a makapaingungot a talintaom, tan pinapatey mon imbabagat ed saray talintaoy diriyos iray anak mo.

Ezekiel 33:30

Say Katawan kuanto, “Sika a toon ompatey, mantotongtong iray totoom na nipaakar ed sika no mantitipon irad abay na saray padir na siudad odino diad saray dalan ya ompogtad kaabungan da. Ikuandad sakey tan sakey, ‘Itila, ta dengelen tayo ray salitan nanlapud Katawan natan.’

Amos 8:12

Saray totoo et manakar ira a manlapud Inatey a Dayat ya anggad Dayat na Mediteraneo, insan ira manakar a manlapud baybay ya anggad bokig. Anapen da ed inerman a pasen so salitan manlapud Katawan, balet ag da narumog.

Isaias 57:5

Igagalang yo ray diriyos na inkabona diad panaakdulan yod silong na saray masanton kiew yo. Ibabagat yo ray anak yo diad saray ongib na ankakabaleg a bato diad gilig na saray kolus.

Ezekiel 23:37

Akikaloguran ira tan amatey ira—akikaloguran irad saray talintaoy diriyos tan pinatey da ray anak dad siak. Imbabagat dad saray talintaoy diriyos da iray anak kon lalaki.