Ezekiel 20:3 - Maung A Balita Biblia

³ Inkuanto, “Sika a toon ompatey, misalita kad sarayan totoo tan ibagam ed sikara so ibabagak, siak a Katawan a Dios: Linma kayo dian manepet no anto so linawak, anto? Legan a siak so mabilay a Dios, andi-duaruwan ag ta kayo abuloyan a manepet ed siak na antokaman. Siak a Katawan a Dios so nansalita.

Maung a Balita Biblia

³ Inkuanto, Sika a toon ompatey, misalita kad sarayan totoo tan ibagam ed sikara so ibabagak, siak a Katawan a Dios: Linma kayo dian manepet no anto so linawak, anto? Legan a siak so mabilay a Dios, andi-duaruwan ag ta kayo abuloyan a manepet ed siak na antokaman. Siak a Katawan a Dios so nansalita.

Ezekiel 20:3 Referans Kwoze

Mikias 3:7

Napelag ed kababaingan iray totoon mampropisiya na nipaakar ed nagawad arapen. Nabaingan ira lapud anggapoy naalagar dan ebat na Dios.

Probirbio 28:9

No ag mo oonuren so ganggan, kabosul na Dios a dengelen so pikakasim.

Juan 4:24

Ispiritu so Dios, kanyan saray mangigalang ed sikato nepeg dan galangen ed ispiritu tan diad katwaan.”

Lucas 3:7

Dakerakel iray totoo a linman pabinyagan ed kinen Juan. Inkuantod sikara, “Sikayon anak na ooleg! Siopay angibagad sikayon ibatikan yoy onsabin sanuk na Dios?

Mateo 3:7

Nen anengneng to ray amayamay a Pariseo tan Saduseo ya ondadagod sikaton mampabinyag, inkuantod sikara, “Sikayon apoliyay oleg! Siopay angibagad sikayon naliktaran yoy sanuk na Dios ya asingsingger lan onsabi?

Ezekiel 20:31

Anggad natan ibabagat yo ray namparan rigalo tan dodotakan yoy sikayon dili diad panamegley na pampopool yod saray anak yo, ya ibabagat yo rad saray talintaoy diriyos yo. Insan sikayo ran Israelita et ondadago kayod siak a manepet no antoy linawak! Legan a siak so mabilay a Katawan a Dios, ag ta kayo abuloyan a manepet ed siak na antokaman.

Isaias 1:15

“Onlingaw ak ed biek no itagey yo ray lima yo a mampikasi. Ag ta kayo dengelen anggan mansosoldungay pikakasi yo, lapud dala ya amin so lima yo.

Isaias 1:12

Siopay angibagan mangawit kayo na sarayan ayayep no mangigalang kayod siak? Siopay angiganggan ed sikayon gatin-gatinan yoy kaliber-liber na Timplok?

Probirbio 21:27

Kabosul na Katawan iray bagat na saray totoon maoges, nagkalalo la no maoges iray getma ran mangibagat.

Probirbio 15:8

Makaliliket so Katawan no mampikasi iray totoon maptek, balet kabosul to ray bagat ya iyaakar ed sikato na saray totoon maoges.

1 Samuel 28:6

kanyan tinepet tod Katawan no antoy gawaen to. Balet ag balut inebatan na Katawan, diad panamegley na kogip, odino diad panamegley na Urim tan Tummim, odino diad panamegley na saray propita.

Ezekiel 20:2

Insan akisalitad siak so Katawan.

Ezekiel 33:30

Say Katawan kuanto, “Sika a toon ompatey, mantotongtong iray totoom na nipaakar ed sika no mantitipon irad abay na saray padir na siudad odino diad saray dalan ya ompogtad kaabungan da. Ikuandad sakey tan sakey, ‘Itila, ta dengelen tayo ray salitan nanlapud Katawan natan.’

Amos 8:12

Saray totoo et manakar ira a manlapud Inatey a Dayat ya anggad Dayat na Mediteraneo, insan ira manakar a manlapud baybay ya anggad bokig. Anapen da ed inerman a pasen so salitan manlapud Katawan, balet ag da narumog.

Isaias 58:2

Inagew-agew da ak ya igagalang, tan ibabaga ra a maseet iran mangaamta na linawak tan mangoonur na saray ganggan ko. Kekerewen dad siak ya itdan ko ray matonung iran ganggan tan maliket ira konon mangigagalang ed siak.”

Ezekiel 14:1

Pigaran pangulo da ray Israelita so dinmagon angipanon ed siak na nipaakar ed linawa na Katawan.