Ezekiel 20:28 - Maung A Balita Biblia

²⁸ Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Maung a Balita Biblia

²⁸ Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 20:28 Referans Kwoze

Ezekiel 6:13

Saray bangkay et nataytayak irad saray kawalaan da ray talintaoy diriyos tan diad kaliber-liber na saray altar, nataytayak irad balang pokdul, diad toktok na balang palandey, diad silong na balang masalumpapak a kiew tan balang ankabaleg a kiew a robli, tan diad balang pasen a pampopoolan dad saray ayayep a bagat ed saray talintao ra. Diad satan naamtaan dan amin a siak so Katawan.

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Josue 23:14

“Magano ak lan ontaynan ed sayan mundo. Amta na balang sakey ed sikayo diad puso tan kamarerwa to a say Katawan a Dios yo et inter tod sikayoy amin iran maabig a bengatla ya insipan to. Asumpal ya amin iray insipan to; anggapoy ag agawa.

Ezekiel 20:15

Kanyan sinambaan ko ya ag ko ra iyakar ed inter kod sikaran dalin a mayaman, mataba tan sankaabigan ed amin a dalin.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Ezekiel 16:19

Initdan ta ka na kakanen—say sankaabigan ya arina, larak na oliba, tan dilo—balet imbabagat mon pangalam na maung a linawa da ray talintaoy diriyos.” Sikato ya so ibabagay Katawan a Dios.

1 Saray Arari 14:23

Nanggagawa ra na saray pasen a pangigalangan ed saray tila-tilan diriyos, saray baton lusek, tan saray talintao nen diosan Asera diad toktok na saray pokdul tan diad silong na saray masalumpapak a kiew.

Isaias 65:7

ed saray kasalanan da tan saray kasalanan na lalaki ra. Nampopool ira na insinso ed saray altar a panangigalangan na saray pagano pokdul tan nansasalita ray maoges sumpad siak. Kanyan dusaen ko ra onung na kanepegan na saray imbeneg a ginagawa ra.”

Jeremias 19:13

Magmaliw a marotak a singa Tofet iray kaabungan ed Jerusalem tan saray kaabungan na saray ararid Juda, tan saray kaabungan a diad saray toktok da so nampopoolan na saray insinson para saray bitewen, tan diman met so angibungan na saray iinomen a bagat ed saray diriyos.”

Ezekiel 16:24

diad gilig na amin a dalan nanggagawa ka na saray pasen a panangigalangan ed saray talintaoy diriyos tan piaakdulan mod saray arum a lalaki.

Ezekiel 20:29

Tinepet kod sikara: Anto ra tay atagey a pasen a lalaen yo? Lapud saya, atawag ira yan pasen ya ‘Atagey iran Pasen’ nanlapud saman a panaon.

Levitico 17:5

Say kabaliksan to yan ganggan et saya: saray Israelita et iyakar da la natan ed Katawan iray ayep a diad kaalogan so pamapateyan da nen saman. Awiten da la ra natan ed pari diad lolooban na Tulda tan pateyen da ran ibagat a para kareenan.

2 Saray Arari 17:9

Ginagawa na saray Israelita iray bengatlan ag labay na Katawan. Nanggagawa ray paganon pasen a panangigalangan diad amin a baley da, manlapud sankamelagan a bario ya anggad sankabalgan a siudad.

2 Saray Arari 17:10

Diad amin a toktok na pokdul tan diad silong na balang masalumpapak a kiew, angyan ira na saray lusek a bato tan saray talintao nen diosan Asera.

2 Saray Arari 17:12

tan ag da inonur so ganggan na Katawan ya ag ira mangigalang ed saray talintaoy diriyos.

Jeremias 32:30

Manlapu lad inggapoy awaran na saray totood Israel tan saray totood Juda, kaogsan labat so ginagawa ra tan impanpasnuk da ak lapud saray ginagawa ra.